“Te Marooro ma Will ibukin Buokaia Taan Birinako Mai Abaia,” Te Rao, Maati. 2024, 40–41.

Te Maroro ma Will ibukin Buokaia Taan Birinako Mai Abaia

Will bon kaain Pennsylvania, USA. Ti anganna tabeua titiraki ibukin te karikirake are e karaoia ibukin buokaia aomata.

Taekina rongorongom nakoira.

Ngkai, ai 11 au ririki ni maiu. I tatangira te butibooro ao lacrosse, umuna te kuukii, uaua, ski, ao te roller-skate. I kona naba ni katanga te biano ao te waeoriin. Au kara ae I tatangiria bon te buruu roo, ao kanau ae I tatangiria bon te bunnimoa (scrambled, baan, ao te kaburoburo—I bane n tatangiri ni kabane). Ngkana I ikawai, I tangiria n riki bwa te taokita n ai aron tamau.

E kanga n reke am iango bwa ko na ibuobuoki?

I ongo bwa e mwaiti utu man te aba teuana aika a birinako ibukin kamanoakiia. Tabeman mai irouia a mwaing nakon te tabo ae uakaan ma ngaira. N te tai ae waekoa I iango, “N na kanga ni buokiia?”

I tataro bwa N na ata arou ni kona n ibuobuoki. I mwiina e roko ana reta tinau man te Bootaki n Aine n te titeiki. A butiia aomata bwa a na anganano n aia bwai nakon aia utu taan birinako mai abaia. I a ataia bwa e a tia ni kaekaaki au tataro!

Ko kanga n ibuobuoki?

I tatangiria n umum (e onoti rabakau iaon te kuuki) ngaia are I baireia bwa I kabonakoi kuuki ibukin au karekemwane ibukin buokakiia utu aikai. I karaoi katanoata ao I toka iaon au roller skates n ririaki nakoia kaain rarikiu n tibwatibwai. E irai naba au kamea, ae Coco.

A mwaiti kain rarikira aika a kukurei ni kabooi au kuuki. Ma te mwane are I karekea, I kabooi iai bwaata ao baan ao n anganano iai.

Tera aron am namakin?

I namakina te kukurei n ataakina are utu aikai a kona ni kabonganai bwaata ao baan aikai. I tii kona n iangoa kamweengaraoin kuukanakin te amwarake ngkana ko a roko n te aba ae boou.

I reiakinna n te Moanrinan bwa “ngkana kam beku ibukiia raomi ao kam bon beku naba iroun Atuami” (Motiaea 2:17). I namakina ana tangira Tamara are i Karawa ibukiu ao ibukiia aomata ake a mwaing nakon au aono.

Tera am taeka n reirei nakon temanna are e tangiria n ibuobuoki?

Kakaai kawai ake ko kona ni ibuobouki iai n am uoote ke am titeiki. Ko kona naba n ibuobuoki ibukin taabo ni katantan ibukiia kain am aono. Iai anga ni ibuobuoki n tabo nako!