Fantaro ny momba ny Bokin’i Môrmôna

Iza moa i Isaia?

Ao amin’ny Bokin’i Môrmôna dia mamaky ny tenin’ny lehilahy iray antsoina hoe Isaia isika. Mpaminany ao amin’ny Testamenta Taloha i Isaia. Niaina ela be talohan’ny nahaterahan’i Jesoa Kristy izy.

alt text

Nampianatra momba ny fiainan’i Jesoa Kristy i Isaia. Nilaza izy fa hitondra fiadanana ho an’izao tontolo izao i Jesoa. Nampianatra izy fa ho faty sy hitsangana amin’ny maty ary hiverina eto an-tany indray i Jesoa indray andro any.

alt text

An-jato taonany taty aoriana dia nanoratra ny tenin’i Isaia tao amin’ny Bokin’i Môrmôna i Nefia mba hampianarana antsika momba an’i Jesoa Kristy. Rehefa nitsidika ny Nefita i Jesoa dia nizara ny tenin’i Isaia Izy. Nanasa antsika handalina azy ireny Izy. Rehefa mandalina ny tenin’i Isaia isika dia afaka mahatsapa ny fitiavan’ny Mpamonjy sy manatona Azy kokoa.

Nampianatra i Isaia fa i Jesoa no “Andrian’ny fiadanana” (2 Nefia 19:6). Manaova sary na makà sarina zavatra iray manampy anao hahatsapa fiadanana. Alefaso any amin’ny Namana ny sarinao! Jereo ny fonon’ny boky any amin’ny farany ahitana ny fomba hanaovana izany.

Fanamby momba ny Soratra Masina

• Vakio ny 2 Nefia 19:6. Firy ny anarana nomena an’i Jesoa ao amin’io andininy io?

• Biby inona no niseho mba hanehoana fa tao amin’ny batisan’ny Mpamonjy ny Fanahy Masina? Toro: 2 Nephi 31:8

• Iza no hitsangana amin’ny maty? Toro: Almà 11:44

Valiny: dimy, voromailala iray, ny rehetra

Afaka mamaky ny Bokin’i Môrmôna aho!

Rehefa avy mamaky ianao dia lokoy ny ampahany amin’ilay sary. Azonao atao ny mamaky ireto andinin-tsoratra masina manaraka ireto miaraka amin’ny famakian-teny isan-kerinandro ao amin’ny Avia, hanaraka Ahy:

• Herinandro 1: 2 Nefia 11:2

• Herinandro 2: 2 Nefia 24:3

• Herinandro 3: 2 Nefia 26:23–24

• Herinandro 4: 2 Nefia 32:5

• Herinandro 5: 2 Nefia 9:13

Tantara amin’ny endrika PDF

Sary nataon‘i Ben Simonsen