“Ang Milagro sa Pag-ampo,” Higala, Abril 2024, 2–3.
Gikan sa Unang Kapangulohan
Ang Milagro sa Pag-ampo
Gikuha gikan sa “Sweet Power of Prayer,” Liahona, Mayo 2003, 7–9; ug “Pagpadayag alang sa Simbahan, Pagpadayag alang sa Atong mga Kinabuhi,” Liahona, Mayo 2018, 93–96.
Gitudloan kita sa Manluluwas kon unsaon pag-ampo. Kita mag-ampo sa atong Langitnong Amahan, sa ngalan ni Jesukristo. Kita motapos sa atong mga pag-ampo pinaagi sa pag-ingon, “sa ngalan ni Jesukristo, amen.” Kon kita maminaw sa pag-ampo sa lain nga tawo, kita usab moingon og “amen.” Kini nagpasabot, “Kana mao usab ang akong pag-ampo.”
Si Propeta Joseph Smith mipakita og ehemplo nga atong sundon sa paghatag og mga pangutana. Iyang gidala ang iyang mga pangutana direkta ngadto sa Langitnong Amahan. Ug ang iyang pag-ampo gitubag.
Hunahunaa kini nga milagro! Kitang tanan makaampo ngadto sa atong Langitnong Amahan ug makakuha og mga tubag.
Pangita og mingaw nga lugar diin kamo mahimong moadto. Ibubo ang inyong kasingkasing ngadto sa inyong Langitnong Amahan. Dangop Kaniya alang sa mga tubag ug alang sa kahupayan. Pag-ampo mahitungod sa inyong mga kabalaka, sa inyong mga kahadlok, ug sa mga gitinguha sa inyong kasingkasing. Ug dayon maminaw! Isulat ang mga ideya nga masulod sa inyong hunahuna.
Kon inyong balikbalikon kini nga proseso, kamo molambo ug makat-on sa pagdawat og pagpadayag.
Unsa ang Akong Giampo
Kon kita mag-ampo, kita nakig-istorya sa Langitnong Amahan. Drowinga kon unsa ang imong giampo diha sa mga kahon sa ubos. Ang Langitnong Amahan ganahan kaayo nga makadungog gikan kanimo!
-
Mga butang nga akong gipasalamatan:
-
Mga tawo nga akong giampo:
-
Mga butang nga ako nagkinahanglan og tabang:
Mga paghulagway pinaagi ni Shawna J. C. Tenney