“Ang Pag-ampo ni Enos,” Higala, Abril 2024, 26–27.
Mga Istorya sa Kasulatan
Ang Pag-ampo ni Enos
Mga paghulagway pinaagi ni Andrew Bosley
Si Enos didto sa kamingawan nangayam alang sa pagkaon. Samtang tua didto, naghunahuna siya sa gitudlo kaniya sa iyang amahan, si Jacob, mahitungod sa kinabuhing dayon.
Si Enos miluhod ug nag-ampo sa Langitnong Amahan. Nag-ampo siya sa tibuok adlaw ug hangtod sa gabii.
Si Enos nakadungog sa tingog sa Langitnong Amahan. Gisultihan Niya si Enos nga napasaylo na siya sa iyang mga sala. Gibati ni Enos nga nawala ang iyang pagbati nga sad-an. Nangutana siya kon giunsa niini pagkahitabo. Ang Langitnong Amahan mipasabot nga tungod kadto sa iyang hugot nga pagtuo kang Jesukristo.
Si Enos nagpadayon sa pag-ampo. Nag-ampo siya alang sa iyang katawhan. Nag-ampo gani siya alang sa iyang mga kaaway. Mihangyo siya sa Langitnong Amahan nga protektahan ang mga kasulatan. Ang iyang mga pag-ampo gitubag tungod sa iyang hugot nga pagtuo.