Dali, Sunod Kanako nga mga Kalihokan

Alang sa home evening o pagtuon sa kasulatan—o alang sa kalingawan lamang!

Abril 1–7

Pagpakigbahinay

Alang sa Jacob 1–4

Mga anak nga nagtinabangay sa pagluto

Si Jesukristo mitudlo nga kita kinahanglan nga “makig-angay sa [atong] kabtangan” (Jacob 2:17). Nagpasabot kana nga makigbahin kon unsay anaa kanato ngadto sa uban. Paghimo og pahalipay nga ipakigbahin sa ubang mga silingan og mga higala!

Alang sa mas manghod nga mga bata: Bisan ang gagmayng mga buhat sa pagserbisyo makatabang sa mga tawo nga mobati og dakong gugma. Tabangi ang inyong kabataan sa paghunahuna og usa ka butang nga ilang mahimo alang sa laing tawo.

Abril 8–14

Tigsotigso

Alang sa Jacob 5–7

Mga bata nga nagdagan

Si Jacob mihangyo kanato nga “magmatinud-anon,” o magpaduol kanunay, sa Dios sa tibuok natong kasingkasing (Jacob 6:5). Pagdula og usa ka dula mahitungod sa pag-inunungay isip usa ka team! Pagpili og usa ka tawo nga maoy tiggukod. Kon ang tiggukod makadakop og usa, maggunitay sila ug mogukod sa ubang mga magdudula. Kon ang sunod nga tawo madakpan, makiggunitay usab siya sa laing tiggukod. Padayon sa pagdula hangtod ang tanan magkagunitay.

Alang sa mas manghod nga mga bata: Kon kita “magmatinud-anon” ngadto sa usa ka tawo, kita hugot nga mogunit ngadto kanila. Sugoa ang kabataan sa paggakos og stuffed animal o makahupay nga dulaan. Paghisgot nga makapaduol kita sa Langitnong Amahan ug ni Jesukristo pinaagi sa pag-ampo ug pagbasa sa mga kasulatan.

Abril 15–21

Mga Pagsumpay-sumpay sa Pamilya

Alang sa Enos–Mga Pulong ni Mormon

Mga kamot nga nagsulat sa gamayng piraso nga papel

Ang katawhan sa Basahon ni Mormon misulat sa ilang kasaysayan sa pamilya diha sa mga palid (tan-awa sa Omni 1:1). Makahimo usab ikaw sa pagsulat sa imong kasaysayan sa pamilya! Isulat ang imong ngalan diha sa ginunting nga papel. I-tape o ipapilit ang mga tumoy aron makahimo og lingin. Dayon isulat ang ngalan sa usa ka miyembro sa pamilya sa laing papel ug ilikong kini sa lingin. I-tape o ipapilit ang mga tumoy. Pagdugang og daghang mga sumpay sa pamilya kutob sa imong mahimo!

Alang sa mas manghod nga mga bata: Ang Langitnong Amahan gusto nga kita mohinumdom ug moatiman sa atong mga pamilya. Tan-aw o pagdrowing og mga hulagway sa inyong pamilya. Ipatudlo sa imong mga anak ang matag sakop sa pamilya nga imong hinganlan.

Abril 22–28

Moatubang ngadto sa Propeta

Alang sa Mosiah 1–3

Mga bata sulod sa balaybalay nga habol

Ang mga Nephite mipaatubang sa ilang mga tolda ngadto ni Hari Benjamin aron sila makadungog sa iyang mga pulong (tan-awa sa Mosiah 2:6). Paghimo og imong kaugalingong tolda gamit ang mga habol, mga unlan, ug mga lingkoranan. Dayon magtan-aw o magbasa og dungan sa usa sa mga pakigpulong sa propeta!

Alang sa manghod nga mga bata: Mapanalanginan kita kon maminaw kita sa propeta. Pagdula og dula mahitungod sa pagpaminaw ngadto sa mga pulong sa propeta. Hangyoa ang inyong mga bata sa pagpiyong sa ilang mga mata. Barog dapit sa ilang tungod ug basaha o ipasalida ang usa sa mga pakigpulong sa propeta. Tan-awa kon unsa ka paspas ang inyong mga bata nga maminaw sa iyang mga pulong!

Istorya nga naa sa PDF

Mga paghulagway pinaagi ni Katy Dockrill