“Hello gikan sa Northern Ireland!” Higala, Abr. 2024, 8–9.
Hello gikan sa Northern Ireland!
Magkat-on mahitungod sa mga anak sa Langitnong Amahan sa tibuok kalibotan.
Ang Northern Ireland kabahin sa United Kingdom. Kini kabahin sa usa ka isla nga gitawag og Emerald Isle tungod kay kini berde kaayo! Dul-an sa 2 ka milyon ka tawo ang nagpuyo didto.
Nahaunang mga Misyonaryo
Ang Northern Ireland usa sa mga unang dapit nga gibisita sa mga misyonaryo sa gawas sa USA.
Paugnat sa Kusog [Sports]
Ang rugby usa ka sikat nga paugnat sa kusog sa Northern Ireland. Kini gidula pinaagi sa pagdagan nga nagkupot og bola nga porma og oval ug ipaigo kini sa dapit sa goal sa laing team.
Musika
Ang tradisyonal nga Irish nga musika kasagaran naglakip sa mga bayolin, mga plawta ug mga bandyo. Madungog nimo kini nga gipatukar libot sa isla, apan ang Irish nga musika sikat usab sa tibuok kalibotan!
Pinulongan
Ang Iningles mao ang labing sagad nga pinulongan sa Northern Ireland. Ang Gaeilge (Irish) ug Ulster Scots importante usab didto. Ang Gaeilge usa sa labing karaan nga mga pinulongan sa kalibotan!
Mga paghulagway pinaagi ni Hector Borlasca