Ang Istorya bahin sa mga Kahoy nga Oliba

Si propeta Jacob nag-istorya mahitungod sa agalon sa ubasan sa oliba ug sa iyang mga sulugoon. Giatiman nila ang mga kahoy. Giputol nila ang bati nga bunga ug gidugangan og bag-ong mga sanga aron matabangan ang mga kahoy nga motubo nga mas lig-on. Giatiman nila ang mga kahoy aron tabangan kini nga motubo.

Samtang magbasa ikaw sa istorya diha sa Jacob 5, pangitaa kini nga mga butang:

Ang agalon sa ubasan miatiman sa mga kahoy kay kini mga bililhon para kaniya.

Ang mga kahoy ug ang mga sanga susama sa katawhan sa Ginoo. Ang mga sulugoon mitabang sa agalon sa pag-atiman niini.

Ang pagsumbak nagpasabot nga dugangan og himsog nga mga sanga aron mahimong mas lig-on ang mga kahoy.

Ang pagpul-ong nagpasabot nga putlon ang bati nga bunga ug mga sanga.

Ingon niana nga paagi nga ang agalon miatiman sa mga kahoy uban sa tabang sa iyang mga sulugoon, si Jesukristo nag-atiman kanato uban sa tabang sa mga propeta ug mga lider.

Dula Bahin sa Kasulatan [Scripture Challenge]

Kang kinsa nakigsulti si Jacob Jacob 3:1?
Kinsa ang propeta nga gikutlo ni Jacob diha sa Jacob 5?
Si Enos nasayod nga ang Dios dili makabuhat sa unsa? (Enos 1:6)

Makabasa Ako sa Basahon ni Mormon!

Pagkahuman nimo og basa, kolori ang usa ka bahin sa litrato. Mahimo nimo nga basahon kining mga kasulatan nga kauban sa matag semana nga basahon gikan sa Dali, Sunod Kanako.

Semana 1: Jacob 3:1
Semana 2: Jacob 6:11
Semana 3: Omni 1:26
Semana 4: Mosiah 2:22