“Mulimuli ia Iesu i Zimbabwe,” Uo, Setema 2024, 16–17.
Mulimuli ia Iesu i Zimbabwe
Feiloai ia Sarai!
O le Auala o loo Mulimuli ai Sarai ia Iesu
E i ai ni faafitauli faalesoifua maloloina a Sarai. Na te inuina ni vai mai le falemai e fesoasoani ai ia te ia. E faafetai o ia mo lona ola. “E fesoasoani le Faaola ia te a’u, o lea e le manaomia ai ona popole,” o lana tala lea.
“Pe a lelava lo’u tina, na te manaomia se tasi e taaalo ma lo’u uso pepe,” o le tala lea a Sarai. E fesoasoani o ia e ala i le pese atu ia te ia, siiina o ia, ma taaalo ma ia.
O Sarai o le tagata muamua lea e matauina pe a faanoanoa lona tina, ma na te tuuina atu ia te ia i taimi uma se opo lapoa. “O le fesoasoani i isi tagata e faafiafiaina ai a’u,” o lana tala lea. “Aemaise lava le fesoasoani i lo’u aiga.”
E Uiga ia Sarai
Tausaga: 7
Mai: Mashonaland Sasae, Zimbabwe
Gagana: Igilisi, Shona
Sini: 1) Avea ma se tagata siva. 2) Avea ma se fomai.
Mea e fiafia i ai: Taaalo ma uo
Aiga: Sarai Tina, Tama, tuagane matua, uso matua, uso laitiiti
O Mea e Fiafia i ai Sarai
Tala o le Tusi a Mamona: Ina ua faamanuiaina e Iesu Keriso tamaiti sa Nifae (tagai i le 3 Nifae 17)
Aso Malolo: Eseta
Fualaau suamalie: Apu ma vine
Lanu: Mumu
Pese a le Peraimeri “The Sixth Article of Faith” (Tusipese a Tamaiti, 126)