E Olioli le Salamo!

Saunia e Peresitene Dallin H. Oaks

Fesoasoani Muamua i le Au Peresitene Sili

Siina mai le “Faamamāina e le Salamo,” Liahona, Me 2019, 91–94.

O le salamo o le olioli. O se vaega taua o le fuafuaga a le Atua. E manaomia e i tatou uma ona salamo.

Ina ia salamo, e tatau ona tatou amata i le faatuatua ia Iesu Keriso. E tatau ona tatou lafoai a tatou agasala ma ta’uta’u atu. O lona uiga o le iloaina sa tatou faia le mea sese, ma fai atu faamalie atu ia i latou tatou te faatiga i ai, ma filifili e faia ni filifiliga sili atu. E tatau foi ona tatou aai ma feinu i le faamanatuga i aso Sapati taitasi.

A tatou salamo, o le a tatou mama. Ua folafola mai e le Alii o le a Ia “le toe manatua [a tatou agasala]” (Mataupu Faavae ma Feagaiga 58:42). E maeu lea folafolaga! E maeu lea vavega! O se faamanuiaga lava!

E tatala e lo tatou Faaola alofa Ona aao e talia tagata uma o e salamo ma mulimuli ia te Ia.

Toe Mamā

Fai le gaoioiga lenei e fesoasoani e te aoao ai e uiga i le salamo!

Faatumu se koneteina kilia i vai. Ona tuu lea o ni maa ma palapala i totonu o le vai. Ua faatusa lenei mea i filifiliga sese tatou te faia.
Ina ia toe mama, e manaomia ona tatou tuu le faia o le mea sese. Ina ia faatusa i lenei mea, aveese maa mai le koneteina. O faapefea foliga o le vai i le taimi nei? O palapalā pea?
Ina ia salamo atoatoa, tatou te manaomia Iesu Keriso. E manaomia ona tatou faatuatua ia te Ia ma Lana Togiola. Uu le koneteina vai i lalo o se paipa. Ia tuu le vai mama e tafe atu i totonu o le koneteina seia oo ina aluese uma vai palapalā! E faatusa lea i le mana o Iesu Keriso e fesoasoani ai ia i tatou ia mama.