“O Se Talanoaga ma Teanekuma e uiga i Tusitusiga Paia,” Uo, Setema 2024, 40–41.
O Se Talanoaga ma Teanekuma e uiga i Tusitusiga Paia
O Teanekuma e sau mai Fiti. Sa matou fesili atu ia te ia ni fesili e uiga i le auala na te aoao ai mai le Tusi a Mamona.
Ta’u mai ia i matou e uiga ia te oe lava ia.
E iva o’u tausaga ma o le uii o le fanau e toaono. O le lanu e sili ona ou fiafia i ai o le mumu, ma o la’u meaai e sili ona ou fiafia i ai o le kale moa ma le araisa. E ese lo’u fiafia e taalo i le lakapi! O se mea tulagaese e uiga ia te a’u o lo’u igoa. O lo’u igoa muamua e mai se fitafita o le Tusi a Mamona, o lo’u igoa lona lua e mai le tuagane a lo’u tina mai Naitiria, ma o lo’u faaiu e mai Fiti.
O le a se mea e fesoasoani ia te oe e te aoao mai tusitusiga paia?
Ou te fiafia e faitau i tusitusiga paia faatasi ma lo’u aiga. Matou te suesue faatasi mai lesona o le Sau, Mulimuli Mai ia te A’u . Ou te fiafia e aoao ni tala fou i vaiaso taitasi. Matou te talanoa e uiga i mea ua matou aoaoina ma fefaasoaai a matou molimau i le tasi ma le isi. Pe a ou faitau i tusitusiga paia, ou te fiafia foi e vaai faalemafaufau ia te a’u lava i tala.
E faapefea ona fesoasoani tusitusiga paia ia te oe?
Ua faamanatu mai e tusitusiga paia ia te a’u ia lototoa ma lototele ma tatalo mo le faamafanafanaga. Soo se taimi lava ou te fefe ai pe tuuatoatasi, ou te iloa o le a faamafanafanaina pea a’u e le Agaga Paia.
O le a le tala o le Tusi a Mamona e te fiafia i ai?
O le tala e sili ona ou fiafia i ai mai le Tusi a Mamona o le tala e uiga ia Teanekuma ona o ia o se taitai ma se fitafita maoae. Sa ia tau mo lona aiga, ana uo, ma le Ekalesia. Ou te iloa e mafai foi ona ou pei o ia ma puipuia i taimi uma mea e sili ona ou alofa i ai.
O le a se fautuaga e te tuuina atu i se tasi e faigata ona malamalama i tusitusiga paia?
Afai o loo tauivi se tasi e aoao mai tusitusiga paia, e mafai ona latou fesili atu i o latou tina po o tama po o nai o latou tei e fesoasoani ia i latou. E fesoasoani tele lo’u aiga ia te a’u. E mafai foi ona e fesili atu i se faiaoga po o se taitai o le Peraimeri i le lotu!
Ata na tusia e Augusto Zambonato