Fugalaau mo Lo’u Tuaoi

Saunia e Peter E., 10 tausaga, Iuta, ISA

Tamaitiiti o loo tuuina atu ni fugalaau i le tamaitai

I ni nai tausaga ua mavae, na maliu ai le toalua o lo’u tuaoi. Sa matua faanoanoa ai o ia.

Sa ou iloa le tulaga o le maliu o se tasi e te alofa i ai. Ina ua tolu o’u tausaga na maliu lo’u tina. Ina ua maliu o ia, sa tusi mai e tamaiti i lo’u pitonuu ia i maua ma lo’u uso ni tama’i tusi ma teuteuina lo matou fanua i meataalo. Sa ou manao e fai se mea e tutusa le manaia mo lo’u tuaoi.

Sa ou tatalo ia iloa le mea e mafai ona ou faia e fesoasoani ai. Na oo mai le manatu i lo’u mafaufau e ave ia te ia fugalaau i le Aso o Valenitina. Peitai, sa manaomia ona ou mauaina se tupe e faatau ai fugalaau. Sa ou faia e avea ma se sini i la’u Tusitaiala mo Tamaiti ia maua le tupe.

Sa ou mauaina le tupe i le faia o galuega eseese mo isi. Sa totogi au e lo’u tinamatua e faamama lana togalaau ma laulaau i lona fanua. I le fale, sa ou maua ai se tupe e ala i le faamamaina o pupuvao i tua o le matou fale. Sa alu ai ni masina o galue malosi ina ia lava tupe e maua ai.

Na iu lava ina lava a’u tupe e alu ai i se faleoloa ma faatau ia fugalaau. Na oo mai le Aso o Valenitina, ma sa ou tuuina atu i lo’u tuaoi ia fugalaau ma se tusi. Sa matua fiafia o ia. Sa ou lagonaina foi le mafanafana ma le fiafia. Sa ou faafetai i le Tama Faalelagi mo le fesoasoani mai ia te au e fai le mea na Ia finagalo ou te faia.