“O Le Aso Lē Manaia a Patrik,” Uo, Setema 2024, 10–11.
O Le Aso Lē Manaiaa Patrik
Sa pisi tele i taimi uma uso matutua o Patrik mo ia.
O lenei tala sa tupu i le ISA.
Sa sioa atu Patrik i le taualuga a o ia taoto faalava i luga o lona moega. Sa ivā o ia. Ua uma ona faitau ana tusi o manu, osooso i luga o le tapoleni, ma tietie i lana uila faataamilo i le pitonuu. O le a se mea e mafai ona ia faia i le taimi nei?
Sa tu i luga Patrik ma savali atu i le potu o lona uso matua o Tanielu. “E mafai ona ta tatalo?” O le fesili lea a Patrik.
“Faamalie atu, e le mafai. E tatau ona ou suesue,” o le tala lea a Tanielu. Sa le’i ea a’e o ia mai le tusi sa ia faitauina.
Sa lagona e Patrik le faanoanoa o lona loto. Sa suesue Tanielu i taimi uma . Pe le mafai ona ia faia se malologa?
Oi ia. Sa pisi Tanielu, ae e mafai ona fesili atu Patrik i le isi ona uso, o Simiona. “Ua ou ivā lava. E mafai ona ta tatalo?” Na fesili ai Patrik.
Leai, e le mafai i le aso nei. Matou te o ma au uo e tafafo.” Sa faamaulu e Simion lona peleue ma savali atu i fafo o le faitotoa pito i luma.
Sa matuai ita lava Patrik! Na televave le tātā o lona fatu. Sa pisi i taimi uma ona uso matutua mo ia. Sa tamoe o ia i lona potumoe ma ato mai le faitotoa.
E lē fea! Sa mafaufau ai Patrik.
Sa tatū ona vae ma faapalasi i luga o lona moega. Na ia lagona le fufusi o lona fatafata. Sa matuai le fiafia o ia! Ae sa ia lagona le ita tele e mafaufau ai i se mea e fai.
Ona ia manatuaina lea o se mea sa ia aoaoina i le aoga. Sa aoao i latou e lona faiaoga o le manava loloa i totonu e mafai ona fesoasoani ia i latou e lagona ai le toafimalie.
“E faigata ona faaleleia soo se mea pe a e lagona le ita,” sa ia fai atu ai. Masalo ana toafilemu teisi o ia, e mafai e Patrik ona mafaufau i se auala e foia ai lona faafitauli o le ivaivā.
O lea na manava tele ai i totonu Patrik. Ona toe fai foi lea. Ina ua mavae ni nai isi manava i totonu, sa le’i toe lagonaina le fufusi o lona fatafata. Ae na te lei iloa lava se mea a fai.
Sa nofo o ia i luga ma tilotilo atu i le ata o Iesu Keriso i luga o lona puipui. O le a se mea o le a Ia finagalo e faia e Patrik?
Sa tootuli Patrik i ona tulivae. “Tama Faalelagi, faamolemole fesoasoani ia Tanielu a o ia suesue,” o lana tala lea. “Fesoasoani ia Simion ia fiafia faatasi ma ana uo. Faamolemole fesoasoani mai ia ou le lagonaina le ivā.”
Ina ua uma lana tatalo, sa i ai se manatu o Patrik. Sa ia tamoe atu i lalo i le potu o Tanielu.
“Tanielu, a uma, e mafai ona ta taaalo faatasi?”
Sa tilotilo a’e Tanielu mai lana tusi i le uati i luga o le puipui. “E mafai ona ou faia se malologa i le pe tusa ma le 30 minute. Ona mafai lea ona ta o i fafo. E te manao e fai lena mea?”
“Ioe!” Sa ataata Patrik ma toe tamoe atu i lona potu. Sa ia maua se tusi manu e uiga i taika sa fiafia o ia e tilotilo i ai. Ina ua uma ona ia faitauina mo sina taimi, sa ia taalo i poloka. E le’i umi ae mavae atu le taimi, ma sa la o atu loa ma Tanielu i le togavao e lata ane i lo la fale.
“E te fia taalo fitafita i le vateatea po o tagata sailiili i le vaomatua?” Sa fesili atu ai Tanielu.
“Ou te le kea po o le a. Ua ou fiafia lava ua mafai ona ta faaaluina faatasi le taimi. E sili atu le manaia nai lo le faaivā solo,” o le tala lea a Patrik.
Sa ataata Tanielu. “Ia, o le taaalo faatasi ma oe e sili atu le malie nai lo le suesue mo se suega.”
Sa lagona e Patrik le fiafia a o fetolofi atu i la’ua ma Tanielu i le mutia. O le faato’ato’a na fesoasoani ia te ia e mafaufau manino atili ai ina ia mafai ona ia foia lona faafitauli. Ma sa fesoasoani le Tama Faalelagi ia te ia ia avea atili e faapei o Iesu Keriso. Mulimuli ane, sa iu ina avea o se aso lelei.
Ata na tusia e Linh My Nyguyen