O Ai Moni Lava Oe

Saunia e Elder Kevin W. Pearson

O Le Fitugafulu

Mai se faatalanoaga ma Olivia Kitterman ma Diana Evelyn Nielson.

E alofa lo tatou Tama Faalelagi ia i tatou. E finagalo o Ia e fesoasoani mai ia tatou ia iloa po o ai i tatou. Na Ia foafoaina o tatou agaga ae tatou te le’i o mai e nonofo i le lalolagi. O i tatou uma o atalii ma afafine o le Atua.

E i ai taimi atonu tatou te lagona ai le tuuatoatasi po o le popole o le a le lava lo tatou lelei. O loo silafia lelei e Iesu Keriso o tatou lagona. O le a Ia fesoasoani ia i tatou e faatoilalo soo se luitau. O mea faigata tatou te feagai i lenei olaga e mafai ona fesoasoani ia i tatou e avea atili ai e faapei o Iesu Keriso pe afai tatou te liliu atu ia te Ia.

E fesoasoani le talalelei tatou te vaai ai ia i tatou lava e pei ona silasila mai le Tama Faalelagi ia i tatou. E ala i lo tatou faatuatua ia Iesu Keriso, e mafai ai ona suia o tatou tofotofoga i faamanuiaga. O le iloaina po o ai oe ma le ala e silasila mai ai le Atua ia te oe, o le a manuia ai soo se tasi i soo se matua!

A oo ina tatou malamalama po o ai i tatou o ni fanau a le Atua, o le a mafai ona tatou taulai atu po o ai e finagalo le Tama Faalelagi ia avea ai i tatou. O le a tatou feagai ma o tatou luitau faatasi ma Ia. E ui lava tatou te le atoatoa ma o le a faia ni mea sese, e mafai ona tatou maua le faamoemoe i le iloaina o i tatou o fanau a le Atua.

Saili mea e Fiafia i ai

E eseese i tatou uma. E eseese a tatou taleni, mea e fiafia i ai, ma mea e le fiafia i ai. Ae o i tatou uma lava o fanau a le Atua!

Faaaoga faaataataga e faatumu ai le siata ma sue po o a mea e fiafia i ai nei uo taitasi. Faaiteite: Tuu se X i mea e te iloa e le moni. O le vaega muamua ua faia mo oe. A mae’a, e tatau ona tasi le faatafafa avanoa o koluma taitasi!

O le ta piano e le mo Amara po o Jade.
E le fiafia Max i le matematika.
E leai se tasi o tama e taina se mea faifaaili pe iloa karate.
O le teineitiiti e fiafia i manu e le o Amara.
O Kai e na o le pau lea o le tagata e fiafia i le pasiketipolo.