Filifili mo le Faitauina o Mau

Ata

filifili o mau

E mafai ona fesoasoani tusitusiga paia tatou te lagona ai le mafanafana ma le alofa mai lo tatou Tama Faalelagi. E mafai ona e faia se filifili o mau e faitau pe a e lagona le popole po o le faanoanoa.

O siepi lanu viole o loo i ai nisi o fuaiupu o mau e mafai ona e faaaogaina. E mafai foi ona e faaopoopo i ai mau e te fiafia i ai.

Fesili atu i se matua, po o se taitai o le Peraimeri mo se fesoasoani!

Fai se lisi o fuaiupu o mau e te fiafia i ai.
I au tusitusiga paia, sue le fuaiupu muamua o lau lisi. Faaaoga se penitala lanu e valivali ai ma le faaeteete le fuaiupu.
I talaane, tusi i lalo le mau faasino (po o le numera o le itulau, pe afai e faigofie atu lena mo oe) mo le isi fuaiupu o le mau mai le lisi. Ona alu lea i lena fuaiupu ma faailoga foi.
Ia valivali pea fuaiupu ma tusi i lalo le mau faasino mo le isi mau. A e faailogaina le mau mulimuli i lau lisi, tusi i lalo le mau faasino mo le mau muamua na e faailogaina.

Ioane 14:27: “Ou te tuuina atu ia te outou le manuia, o lo’u manuia ou te avatu ai ia te outou: ou te le avatu ia te outou faapei ona avatu e le lalolagi. Aua le atuatuvale o outou loto, aua foi tou te matatau.”
Mataupu Faavae ma Feagaiga 68:6: “O le mea lea, ia fiafia, ma aua le fefefe, aua o Aʼu o le Alii ua Ou faatasi ma outou, ma o le a tulai i tafatafa o outou.”
Faataoto 3:5: “Ia e faatuatua ia Ieova ma lou lotoatoa.”
MF&F 121:7: “Ia filemu lou agaga; o lou tiga ma ou puapuaga o le a nao sina taimi laitiiti.”
MF&F 45:62: “Aua e moni Ou te fai atu ia te outou, e iai mea sili o loo faatali mai mo outou.”
Faataoto 3:24: “A e taoto e te le fefe: e te taoto lava, e malie foi au moe.”