iTukutuku mai na Mataveiliutaki Taumada

Kemuni na taciqu kei na ganequ lomani,

Keitou vakavinavinaka ni vakaveikilaitaki kemuni ki na mekasini vou oqo baleti ira na itabagone e Na Lotu i Jisu Karisito ni Yalododonu Edaidai: Me iSakisaki ni itabagone. Keimami vakavinavinakataka na nomuni vinaka kei na nomuni kaukauwa vaka-itabagone ena Lotu nikua. Sa ikemuni na inuinui nei Isireli. Sa neitou gagadre vakaidina me vukei iko na itabataba vou oqo mo kaukauwa ka voleka vua na Tamada Vakalomalagi kei na noda iVakabula, o Jisu Karisito.

Sa tu vua na Turaga e dua na cakacaka cecere vei iko kei na nomu itabatamata. Me vukei iko, na mekasini oqo ena vakarautaka na nodra ivakavuvuli taudonu na parofita kei na iApositolo ni gauna oqo, ka ra lomani kemuni. Ni ko vulica na ivolanikalou ena nomu vakayagataka na Lako Mai, Mo Muri Au na ivurevure ni kena bulataki ka vulici na kosipeli i Jisu Karisito, sa rawa mo raica talega na mekasini oqo me baleta na ikuri ni kila ka, vakasama, kei na veivakauqeti.

Ena imatai ni gauna, sa vakarautaki kina na itabataba vou oqo me baleti ira na itabagone ena veimatanitu duidui kei na vosa. Eda sa nuitaka oqo ni na kauta mai na Yalo ni duavata e vuravura ka da okati vata mo na rawata na kaukauwa mai na ivakadinadina kei na veika sotavi era wasea e so tale na itabagone mai na veiyasai vuravura.

Na yaca ni mekasini oqo e vakaraitaka na noda yalodei ena nomuni kaukauwa vaka-itabagone ena Lotu. Eda vakadinadinataka ni reki dina e lako mai ena noda vakabauti Jisu Karisito, na Nona kosipeli, kei na Nona Lotu vakalesui mai.

Wekamuni dina,

Na Mataveiliutaki Taumada