“Rogoca, vakasamataka, ka vakamuuria,” Me iSakisaki ni iTabagone, Janu. 2021, 32.
iOtioti ni Vosa
Rogoca, Vakasamataka ka Vakamuria
Mai na dua na vosa ena koniferedi raraba ni Epereli 2020.
Na imatai ni vosa ena Vunau kei na Veiyalayalati e sa vu ni vakarorogo (raica na Vunau kei na Veiyalayalati 1:1). E kena ibalebale “me da vakarorogo ena inaki ni talairawarawa.” Na vakatudaliga e kena ibalebale meda “Rogoci Koya”—meda rogoca na veika e kaya na iVakabula oti meda qai muria na Nona ivakasala. Ena rua na vosa oqori— “Rogoci Koya”—sa solia mai na Kalou vei keda na ituvatuva ni rawa-ka, marau, kei na reki ena bula oqo. Meda sa rogoca na vosa ni Turaga, vakatudaliga kina ka muria na veika sa kaya vei keda o Koya!
Evei na vanua meda na laki rogoci Koya kina?
Sa rawa meda gole ki na ivolanikalou. Sa rawa talega meda Rogoci Koya ena loma ni valetabu. Eda sa Rogoci Koya talega vakamatata ni da vakadodonutaka noda rawa ni kila na vakasolokakana ni Yalo Tabu. Ka, kena iotioti, eda sa rogoci Koya ni da rogoca na nodra vosa na parofita, daurairai, kei na dauvakatakila.
Na cava beka ena yaco ni ko rogoca, vakatudaliga, ka muria na ka e kaya na iVakabula kei na ka e tukuna o Koya ena gauna oqo maivei ira na Nona parofita? Au yalataka ni ko na vakalougatataki ena ikuri ni kaukauwa mo sabaya kina na veitemaki, veika dredre, kei na malumalumu. Au yalataka na cakamana ena veiwekani ni nomu matavuvale kei na cakacaka ni veisiga. Kau sa yalataka ni nomu gugumatua mo vakila na reki ena vakalevutaki ke yaco mada ga na veika voravora ki na nomu bula.