“Taqomaka na Noqu Vakabauta,” Me iSakisaki ni iTabagone, Janu. 2021, 27.
Yavu Tudei
Taqomaka na Noqu Vakabauta
Droini mai vei Luca D Bartolomeo
Ena dua na bogi au a gade voli kei na dua na ilawalawa itokani. Keimami veivosaki tiko ka ra tekivu kaseti ira na noqu itokani tale eso era a sega ni tiko e kea. Au sega ni taleitaka na veika eratou tukuna tiko. Au qai ciqoma e dua na veivakauqeti mai vua na Yalo meu tutaka na veika au vakabauta.
Au sega tale ni wawa, au tukuna vei ira ni‘u a sega ni taleitaka na veika era tukuna tiko ka taroga kevaka mera kakua ni kakase ena gauna au tiko kina. Era kaya ni dua ga na tiki ni bula ka sega ni dua na ka. Au sega ni bau cudru, au a vakarorogo ki na nodra nanuma ka qai vakamacalataka na ka au vakabauta. Au a qai duri cake ka lako yani.
Na veika au sotava ena bogi oya a vakavuna meu vakasamataka na veika a lako curuma o Josefa Simici. Ni taura mai o Josefa Siimici na peleti koula, a sotava o koya e levu na veivakacacani. Se cava sara na levu ni veivakacacani a yaco, a tudei tu o Josefa Simici ka sega ni malumalumu. A tiko vata kei Josefa Simici na Kalou ka vukei koya, kau kila ni a tiko vata kei au na Kalou ena gauna au tutaka kina na veika dodonu.
Au a vakayalia e vica na noqu itokani ena bogi oya meu taqomaka na noqu vakabauta, kau rarawataka. Ia au vakila na vakacegu ka logavinaka niu cakava na veika dodonu. Vakalailai, a vakavinavinakataki au e dua na noqu itokani ena vuku ni veika au a tukuna. Ena vuku ni ka oqori, au a rawata kina e dua na veitokani kaukauwa cake sara mai na kena e liu.
Andrew F., Utah, Amerika