“Na Vunau kei na Veiyalayalati: Raici Vakararaba,” Me iSakisaki ni iTabagone, Janu. 2021, 14–15.

Lako Mai, Mo Muri Au

Na Vunau kei na Veiyalayalati: Raici Vakararaba

Mai vei Annelise Gardiner

Mekasini ni Lotu

iVakatakilakila

iVakatakilakila

Josefa Simici kei Sidini Rikitoni

Joseph and Sydney mai vei Annie Henrie Nader

Na cava beka?

Na Vunau kei na Veiyalayalati e dua na ivakasokumuni ni ivakatakila ni gauna oqo mai vua na Kalou a ciqomi vakalevu cake mai vua na parofita o Josefa Simici. E vuqa vei ira na ivakatakila oqo a soli mai me isau ni taro a kerea vua na Kalou o Josefa kei ira eso tale na lewe ni Lotu taumada.

Na cava a caka kina na Vunau kei na Veiyalayalati?

Ena gauna e liu ni Lotu, e vica walega na ilavelave a volai ni ivakatakila oqo. Ena 1831, era sa lewa na iliuliu ni Lotu me ra tabaka na ivakatakila ena dua na iVola ni iVakaro. Ena dua na koniferedi ni Noveba 1831 ka veivosakitaki kina na iVola ni iVakaro, a ciqoma kina o Josefa na ivakatakila ka sa tiko oqo ena wase 1, na ikau ni Vunau kei na Veiyalayalati.

Laini ni Gauna:

1823 iMatai ni vakatakila e volai: wase 2.
1833 a tabaki na iVola ni iVakaro. E vica na ilavelave era a bula mai vei ira na dauvakacaca ena vanua ni tabaivola. E rua na itabagone, o Mary Elizabeth kei Caroline Amelia Rollins, erau a maroroya na levu ga ni draunipepa erau rawata mai vei ira na dauvakacaca ka vunitaki rau ena veisila.
1835 Na imatai ni itabataba levu. E tiko kina eso tale na ikuri ni ivakatakila ka veisautaka na yacana me Vunau kei na Veiyalayalati.
1844 Tabaki ni oti ga vakalailai na nona vakamatei ena vu ni nona vakabauta o Josefa Simici, a vakuri ena itabataba oqo eso tale na ivakatakila, ka vakakina na wase e 135.
1847 ciqoma o Brigham Young na idusidusi ena nodra tokitaki na Yalododonu ki na ra: wase 136.
1876 na itabataba oqo a vakuri kina e 26 na wase vovou ka imatai ni itabataba me wasewasea na iwase ki na veitikina
1890 Kacivaka o Wilford Woodruff na ibole, mai muduki kina na vakamau vakalevu ena Lotu (raica na Ai Vakaro Raraba 1).
1918 wasea o Joseph F. Smith na nona raivotu me baleta na vuravura ni yalo: wase 138
1921 mai na ivola oqo ka lako yani, sa sega tale ni qai wili na Lectures on Faith.
1978 Ciqoma o Spencer W. Kimball na ivakatakila baleta na matabete ka sa yaco me iVakaro Raraba 2.
1981 Na itabataba oqo sa mai vakataudeitaka na ulutaga kei na idusidusi, vakakinae vica tale na ivakatakila.
2013 Na itabataba oqo a vakavouya na itukutuku makawa ena ulutaga.

Na iVunau

Na imatai ni vakasokumuni ni ivakatakila e vakatokai me iVola ni iVakaro. E muri qai vakatokai na iVunau kei na Veiyalayalati baleta ni ra sa vakuria e vica vata na ivakavuvuli “ena ivunau ni Lotu,” e kilai me “ivunau” me lekaleka (ena gauna oqo sa vakatokai na (Lectures on Faith [iVakavuvuli ena Vakabauta]). Me tekivu mai na itabataba ena 1921, sa sega tale ni wili kina na Lectures on Faith [iVakavuvuli ena Vakabauta], ia na ulutaga na Vunau kei na Veiyalayalati a dei tikoga.¹

Na Veiyalayalati

Na vo ni ivola e tu kina na ivakatakila e soli vei Josefa Simici. Na iwasewase oqo e kilai me “veiyalayalati kei na ivakaro ni Turaga” se “veiyalayalati” me lekaleka. Era a vakayagataka na Yalododonu taumada na “veiyalayalati” se “ivakaro” me baleta na ivakatakila eso oqo a ciqoma na Parofita me vakaduiduitaki ira mai na volavola tale eso nei Josefa Simici, me vaka na ivunau vakauqeti kei na nona ivakavakadewa ni iVolatabu.²

Na cava e bibi kina nikua na Vunau kei na Veiyalayalati?

Na Vunau kei na Veiyalayalati e lewena tu na ivakatakila mai vei Jisu Karisito vei ira na nona tamata. E vakatavulici keda ni kilai keda yadua na Kalou ena yacada, ni dau rogoca o Koya na noda masu ka sauma na noda taro, ka ni se vosa tikoga na Kalou nikua. E vakavulica talega na ivunau yaga me baleta na yavu ni veivakabulai ka solia vei keda na ikuri ni rai ki na Veisorovaki i Jisu Karisito. E vakarautaka na vakacegu ena nona vakaraitaka na nona lomani keda na Kalou ka kacivi keda me da lako mai Vua ena gauna mada ga eda caka cala kina.