“Fesootai,” Mo le Malosi o le Autalavou, Iuni. 2021, i totonu o le faavaa pito i luma.
Fesootai
Ammon S.
13, Jamaica
Ata na pueina e Christina Smith
O au o se tagata soka [tagata taalo soka]. I le faataitaiga soka, e fai e lou faiaoga le tele o suega tutumau ma toleniga. Ou te lagona le fiafia pe a ou faatuina ni sini ma ausia.
Sa ou faia se sini faaleagaga ou te ala ai pea pe a fai a’u tatalo i le po. Sa masani ona ou taoto i lo’u moega a o ou tatalo, ae o le taimi nei ou te nofo i luga pe tootuli. Ou te taumafai foi e sui mea ou te ta’ua i la’u tatalo ae le na o le toe ta’ua o mea e tasi. O lenei sini fou na fesoasoani ia te au e maua ai lagona sili atu i le po ona ua o’u faamae’aina lelei lava a’u tatalo!
E matua leotele lava le matou pitonuu, o lea e faigata ai ona faalogo i le siufofoga o le Agaga. O nisi taimi ou te lagona ai faapea faatoa ou lagona le Agaga Paia pe a ou i ai i le pulelaa e tuuina atu se lauga, tufaina le faamanatuga, pe tatalo i le po. E fai e o’u matua ni faataitaiga lelei i lo matou aiga, e ui, i le faia soo o suesuega o tusitusiga paia faaleaiga ma le tuuina i luga o ata o Iesu Keriso ma le Tusi a Mamona i la matou umukuka. O taimi uma lava ou te vaai ai i na ata, e faamanatu mai ai ia te au le tatalo ma le suesue i tusitusiga paia, ma o na mea e fesoasoani ia te au ia ou lagona ai foi le Agaga Paia.