“E mafai faapefea ona ou lotomaualalo e aunoa ma le lagonaina o le le faatauaina o le tagata lava ia?” Mo le Malosi o le Autalavou, Iuni. 2021, 31.
Tuusao i le Mataupu
E mafai faapefea ona ou lotomaualalo e aunoa ma le lagonaina o le le faatauaina o le tagata lava ia?
Sa poloaiina e le Alii e le aunoa tagata e faamaualaloina i latou lava i Ona luma, ma e masani ona lapataia i latou pe a latou le lotomaualalo (tagai Mataupu Faavae ma Feagaiga 67:10).
O le mea e faanoanoa ai, e ono lagona e nisi tagata o le faamaualaloina o i latou lava o lona uiga o le tuu o i latou lava i lalo. Ae e le moni lena mea.
“O le lotomaualalo e le faapea ua faatalitonuina i tatou lava tatou te lē aogā, leai se uiga, pe itiiti foi so tatou taua. … Tatou te le iloa le lotomaualalo e ala i le mafaufau itiiti ia i tatou lava; tatou te iloa le lotomaualalo e ala i le mafaufau itiiti e uiga ia i tatou lava. E oo mai a’o tatou faia a tatou galuega ma se uiga o le auauna atu i le Atua ma o tatou uso a tagata.”1
Pe a tatou lotomaualalo moni, o le a amata ona tatou atia’eina se migao loloto ma le alofa mo le Tama Faalelagi, i le iloaina ua ia te Ia le mana-uma, atamai-uma, ma le alofa-uma. O lenei mea e tatau ona tatou maua ai le agaga faafetai mo a tatou meaalofa ma faamanuiaga uma, e aofia ai le meaalofa o Lona Alo, o Iesu Keriso. Ona tatou mananao ai lea e auauna atu i le Atua ma isi. A tatou faia lenei mea, o le a faatasi le Agaga Paia ma i tatou, ma o le a tatou fiafia atili ma lagonaina le lelei sili atu ia i tatou lava.