“E Mafai Ona E Faasoa Atu le Talalelei i Tulaga Masani,” Mo le Malosi o le Autalavou, Iuni 2021, 6.
Sau, Mulimuli Mai ia te A’u
E Mafai Ona E Faasoa Atu le Talalelei i Tulaga Masani
Ata na tusia e Kayela Larsen
O lea la ua e manao e faasoa atu le talalelei ae e le iloa le mea e fai. E le o tuua na o oe. E toatele tagata e manatu faapena.
O se mealilo lenei e le o se mea lilo lava: e le tatau ona faigata! O le mea moni, e masani lava ona tatou faafaigataina ia i tatou lava e ala i le faamamafa tele i le mafaufau po o le faigata tele o le taumafaiga.
O le ki o le na o le avea o oe ma ou lava tagata. Ia faamaoni, ia agalelei, ma ia naunau e faasoa atu po o ai oe i isi. A e faia, o le a e iloa ai ua tele atu ou avanoa e faasoa atu ai mea ua ia te oe. Aua ne’i fosia. E pei ona saunoa mai Elder Dieter F. Uchtdorf o le Korama a Aposetolo e Toasefululua, “Vaavaai mo avanoa e aumaia ai lo outou faatuatua i auala masani ma le lelei i tagata.”1
O i e mafai ona e aoao mai ai i tagata e toalua o e ua faasoa atu le auala na tupu ai lenei mea i o la olaga. A o e faitauina a la tala, mafaufau pe faapefea e la aafiaga ona mafai ona ta’u mai ai le auala e mafai ona e ola ai i se tulaga masani ma faasoa atu ou talitonuga—ma faamanuiaina ai olaga i le ala.