“Auala e 5 e Faasoa atu ai le Talalelei,” Mo le Malosi o le Autalavou, Iuni 2021, 32.
Upu Faaiu
Auala e 5 e Faasoa Atu ai le Talalelei
1.Faalatalata Atu i le Atua.
O lou latalata atili atu i lo tatou Tama Faalelagi, o le susulu atili mai foi lena o Lona malamalama ma le olioli mai totonu ia te oe. O le a matauina foi e isi ma o le a latou fesili e uiga i ai.
2. Faatumu Lou Loto i le Alofa mo Isi
Taumafai e faataitai i le alofa o Keriso ma ia maua le agaalofa mo isi. Alofa ia i latou ma taulimaina i latou o ni fanau a le Tama Faalelagi.
3. Tauivi e Savali i le Ala o le Avea ma Soo
A o faalolotoina lou alofa mo le Atua ma Ana fanau, e faapena foi lau tautinoga e mulimuli ia Iesu Keriso. O le savalia o le ala o le avea ma soo e manaomia ai le faataitai. O le talanoa faatasi ma isi e uiga i lou faatuatua o le a oo ina avea ma mea masani ma faigofie. O le mea moni, o le a avea le talalelei ma se vaega taua, ma faapelepele o lou olaga lea o le a lagona ai o se mea e le masani ai le lē talanoa i isi e uiga i le talalelei.
4. Faasoa Atu Mea o Loo i Lou Loto
Po o a lava auala e foliga mai e faigofie ma masani ia te oe, faasoa atu i tagata pe aisea e taua ai Iesu Keriso ma Lana Ekalesia ia te oe.
5. Talitonu i le Alii e Faia Ana vavega
E le o sau galuega le faaliliuina o tagata. O le matafaioi lena a le Agaga Paia. O lau matafaioi o le alofa i le Atua ma alofa i ou tuaoi. Faaali atu lenei mea e ala i le valaaulia o i latou e o mai ma vaai, o mai ma fesoasoani, ma o mai ma auai. O le a faia e le Atua ni vavega e ala atu ia te oe e faamanuia ai Ana fanau pele.