Pumarito Ka, Sumunod Ka sa Akin

Ipamuhay sa Tuwina ang Word of Wisdom

Doktrina at mga Tipan 89

Ni Eric B. Murdock; paglalarawan ni Spencer Hale

1833

Sa isang pulong kasama si Propetang Joseph Smith, maraming lalaking naninigarilyo at ngumunguya ng tabako.

Kinausap si Joseph ng kanyang asawang si Emma tungkol sa duming iniiwan ng paninigarilyo at tabako. Ang mga bagay na ito ay tila nakapagpapalayo sa Espiritu. Inisip ni Joseph kung ano ang sasabihin ng Diyos tungkol dito.

Ipinagdasal ni Joseph ang sinabi ni Emma, at nakatanggap siya ng paghahayag kung paano tayo mamumuhay nang malusog. Nakasaad din dito ang malalaking pagpapala kapag sinunod ito.

Inihayag ng Panginoon na dapat tayong:

Kumain ng mga prutas at halamang gamot, pati mga gulay (tingnan sa Doktrina at mga Tipan 89:10–11).

Kumain ng karne nang paunti-unti (tingnan sa Doktrina at mga Tipan 89:12–13).

Kumain ng mga butil (tingnan sa Doktrina at mga Tipan 89:14–17).

Inihayag din ng Panginoon na dapat nating iwasan ang:

Alak, tabako, tsaa, at kape (tingnan sa Doktrina at mga Tipan 89:5–9).

Nang ibahagi ni Joseph ang paghahayag na ito, na tinawag na “Word of Wisdom,” itinapon ng ilang kalalakihan ang kanilang mga pipa at tabako sa apoy.

Itinuro ng mga propeta ang kahalagahan ng pagsunod sa Word of Wisdom at sa iba pang mabubuting gawi tulad ng: Pagkain ng masustansya, regular na pag-eehersisyo, wastong kalinisan ng katawan, at sapat na pagtulog. Ang pagsunod sa Word of Wisdom ay tumutulong sa atin na mahiwatigan ang patnubay at mga impresyon mula sa Espiritu.

Marami ka pang matututuhan tungkol sa Word of Wisdom at sa mga pangako ng Panginoon sa atin sa Doktrina at mga Tipan 89.