“Rej Aō im Ijeļā Kajjier,” N̄an Kōkajoorļo̧k Jodikdik ro, Jān. 2022.
Itok, Ļoor Eō
“Rej Aō im Ijeļā Kajjier”
Pija ko jān Getty Image ko
Kwonan̄in ke kar en̄jake am̧ likjab? Kwomaron̄ kar en̄jake menin ke kwaar ļōmņak kōn ewi lōn̄ in armej ro ilo laļ in ak kar lale ewi lōn̄ in iju ko rej pād ilo lan̄. Kwonan̄in ke kar ļōmņak eļan̄n̄e Anij ej lukkuun jeļā wōn kwe im ewi jekjek in mour eo am̧? Eļan̄n̄e āindein, innām ewōr juon an Moses ennaan n̄an kwe.
Ilo juon visōn, Anij ekar kwaļo̧k n̄an Moses aolep men jiddik ko an laļ im aolep armej ro me renaaj mour ijo. Er raar āinwōt “oran ko aer rekar ļap, em̧ool ejjeļo̧k oraer āinwōt bok ioon parijet in lo̧jet” (Moses 1:28). Innām Anij ekar jiron̄ Moses bwe E ekar kōm̧m̧ani “laļ ko ejjeļo̧k oraer” (Moses 1:33)—bwe mennin kōm̧anm̧an ko An rōļļāļo̧k jān laļ in.
Bōlen Moses ekar en̄jake tōrjān jon̄an ke ekar lo aolep men kein. Bōlen ekar ļōmņak: Ia eo ikoņ ie ilo men kein rekanooj ellōn̄ mennin kōm̧anm̧an ko? Im ekōjkan an Anij maron̄ lali men kein rekanooj in ellōn̄?
Uwaak eo an Anij ekar ļam waan: “aolep men ko otemjeļo̧k ewōr bōnbōnier n̄an Eō.” Ekōjkan? “Rej Aō im I jeļā kajjier” (Moses 1:35). Anij ekar jeļā wōn eo kar Moses, em̧ool āinwōt An jeļā kajien aolep ajri ro Nejin, barāinwōt aolep mennin kōm̧anm̧an ko An. Aolepāer rej An—iju ko, bok ko, im eļaptata ajri ro Nejin ioon laļ in. Er rej lukkuun un eo bwe En kar kōm̧m̧ane laļ in. Lo̧mo̧o̧r indeeo eo aer ej jerbal eo aorōk tata an Anij.
“Bwe lo, en̄in ej jerbal eo Aō im aiboojoj eo Aō—n̄an kakūrm̧ool jab wabanban im mour indeeo an armej” (Moses 1:39).
Ejja āinwōt an kar Moses ekkatak ia eo ekoņ ie ilo karōk eo an Anij, kwoj barāinwōt maron̄ kam̧ool n̄an e bwe Anij ejeļā kajjiōm̧! Jipan̄ eok bar ro̧o̧l n̄an Ippān ej jerbal im aiboojoj eo An. Etke? Kōke kwe kwoj Nejin. Im ejjeļo̧k likjab kōn wāween jab in!