N̄an Un eo

Ekōjkan an laļ in kar ejaak?

“Ilo Jinoin Anij Ear Kōm̧anm̧an lan̄ im laļ” (Jenesis 1:1). Kōn menin, ekōjkan An kar kōm̧m̧ane? Erkein jejjo men ko jej jeļā:

Jisōs Kraist ekar ejake laļ in. Jemed Ilan̄ ekar tōl jerbal in Kōm̧anm̧an eo; Jisōs Kraist ekar kōm̧m̧ane kōn kajoor eo an priesthood eo. “Jān Nejū Iaar Make Keotake Iaar kōm̧anm̧an … laļ eo” (Moses 2:1).

Laļ in ekar ejaak jān men ko (elements) raar pād wōt, ejjab ejaak jān ejjeļo̧k. “Jenaaj bōk jān kein bobo kein, im jenaaj kōm̧m̧an juon laļ” (Ebream 3:24).

Kōm̧anm̧an eo ekar waļo̧k ilo jiljino lenkan ko. Je men ko rekar waļo̧k ilo kajjojo lenkan ko an Kōm̧anm̧an eo. N̄an waanjon̄ak, mennin eddōk ko raar itok ilo juon, mennin mour in lo̧jet ko im bao ko ilo bar juon, mennin mour ko im armej ro ilo bar lenkan ko jet.

Lenkan ko an Kōm̧anm̧an eo ekar bōk juon dettan iien ejjab alikkar. Jeje Ko Rekwojarjar jet iien ej ņa etan lenkan ko “raan ko,” bōtaab ejjab lukkuun meļeļe in 24 awa aolep raan. Juon kōmeļeļe ej kōnono kōn “iien ko” (lale Ebream 4). Jejjab jeļā aitokaer.

Kajjitōk ko ad kōn Kōm̧anm̧an eo renaaj ilo jem̧ļo̧kin uwaak. “ilo raan en n̄e Irooj enaaj itok, E naaj kwaļo̧k men ko otemjeļo̧k—men ko … an laļ in, ko kaki e kar kōm̧anm̧an” (Katak im Bujen Ko 101:32–33).