Unin Tōl eo Ad n̄an M̧ool eo

Jān Būreejtōn Dallin H. Oaks

Rikakpilōklōk eo Kein Kajuon ilo Būreejtōnji eo Kein Kajuon

Pija

Dallin H. Oaks

Jān juon ekōnono an Oktoba 2004 kweilo̧k eo eļap.

Pija

ļaddik eo turin kakōļļe ko an iaļ

Kōmeļeļe ko jān Emily Davis

Jān ijo kwoj pād ie ilo iaļ in mour, elōn̄ m̧aiļ ko am̧ n̄an etal ie im elōn̄ kāālet ko n̄an kōm̧m̧ani ilo am̧ kappukōt n̄an bar ro̧o̧l n̄an ippān Jemedwōj Ilan̄. Ilo iaļ eo ļo̧k elōn̄ kakōļļe ko me rej kaalļo̧k. Setan ej irooj in jet iaan kūr kein. Ej kappukōt n̄an kapok im m̧one kōj, n̄an bōkļo̧k kōj n̄an juon iaļ eo epidodoļo̧k me ej tōlļo̧k jān jem̧ļo̧k eo ad indeeo.

Pija

bo̧o̧ļ eo ej epepe nejin rijibain eo

Pija

mab

Ikōņaan kwaļo̧k ekōjkan ami maron̄ jab po. M̧oktata, em̧ōj kar katakin kom̧ jim̧we eo im kar kam̧ool kōn m̧ool eo an, kōn menin pād wōt ie. Jirok likatōtōt n̄an jeje ko rekwojarjar, eo katakin ko an rej kōjparok kōj ņae nana. Kein karuo, ejjab bwe n̄an kar bōk m̧ool eo. Jej aikuj barāinwōt bōk “Jetōb Kwōjarjar eo bwe en [ad] ritōl” im “kar [jab] po” (Katak im Bujen Ko 45:57).

Pija

jiron̄ eo ej bōk m̧ōttan kwojkwoj eo

Ekōjkan ad bōk Jetōb Kwojarjar eo bwe en ad ritōl? Jej akuj ukweļo̧k jān jerawiwi ko ad im bar kōkāāl bujen ko ad jān bōk m̧ōttan kwojkwoj eo kajjojo wiik kōn pā ko rōrreo im juon bōro erreo. Ilo wōt wāween in jemaron̄ bōk kallim̧ur eo ekwojarjar bwe jenaaj “bwe Jetōb eo an en maron̄ pād [ippād] iien otemjej” (Katak im Bujen Ko 20:77). Jetōb jab in ej Jetōb Kwojarjar, eo mijen eo an ej n̄an kamool kōn Jemen im Nejin, n̄an katakin kōj, im n̄an tōl kōj n̄an m̧ool eo.