Adam L.

15 yia, Jamaeka

Pikja

wan yang man

Foto i kam long Christina Smith

Papa mo mama blong mi, tufala i soem long mi olsem wanem blong stap olsem Kraes. !Tufala i stap helpem ol pipol oltaem! Mo taem we tufala i stap helpem ol narafala man, tufala i no komplen. Oli kipim Sabat dei i tabu. Tufala i stap mekem ol prea blong tufala evri moning mo naet.

Mi lanem ol nara samting tu aot long papa mo mama blong mi. Papa blong mi, i wan man we i save dro gud. Hem i save gud olsem wanem blong dro wetem wan pensel. Mi putum wan gol blong mi blong kam antap long art blong mi, mekem se mi stap wajem gud hem.

Mi gat wan nara gol, we i blong gat ol gud mak long skul. Samtaem, mi wari taem mi stap mekem tes. Wan taem, i rili nogud, mekem se mi prea. Afta long hemia, mi filim gud mo mi hapi insaed long mi. Mi bin save mekem tes ia, we mi no gat problem. Mi save se Tabu Spirit i bin helpem mi blong stop blong filim fraet.

Wan taem, mi tekpat long wan seves projek blong help blong pentem ol wol blong wan skul we i stap kolosap. Long fas ples, mi no bin wantem stap long ples ia; be afta, mi stat blong filim gud moa abaot hemia. Naoia, taem mi pas long fored blong skul, i mekem se mi filim se mi spesel. Mi save se mi bin helpem ol pikinini long skul ia.