“?Olsem Wanem Nao Yu Stap Lisin Gud long Hem?,” Blong Ol Yut Oli Kam Strong, Maj 2022.
Las Toktok
?Olsem Wanem Nao Yu Stap Lisin Gud long Hem?
I kam long wan toktok blong jeneral konfrens blong Epril 2020.
Ol pikja droing oli kam long Oksana Grivina
Wetem daereksen blong pis we yumi kasem tru long Tabu Spirit, long wan taem i go long narawan, God i mekem sua wetem evri paoa we hem i gat mo long wanwan se Hem i save yumi mo lavem yumi. Afta, long ol taem blong hadtaem blong yumi, Sevya i karem olgeta eksperiens ia i kambak long maen blong yumi.
Tingting long laef blong yuwan. Olgeta eksperiens ia oli kam long ol impoten taem long laef blong yumi, o long wanem we, long stat, i luk olsem se oli no ol impoten taem. Ol impoten taem ia, blong desisen long laef blong yumi, oli kam long ol defdefren taem, mo long ol defdefren wei, we oli blong wanwan blong yumi nomo, i no blong evriwan.
Josef Smit i eksplenem se, samtaem, yumi kasem “kwik tingting we i mekem yumi sek” mo samtaem, yumi kasem “waes we i kam we i kam.”1
Presiden Dallin H. Oaks, long ansa blong hem long wan man we i talem se hem i neva gat kaen eksperiens olsem, hem i talem: “Ating ol prea blong yu oli bin ansarem bakegen mo bakegen, be yu bin gat ol tingting blong yu oli stap strong long wan saen o wan voes we i laod tumas mekem se yu ting se yu no bin kasem ansa.”2
Yumi bin harem Presiden Nelson i no longtaem i pas i talem: “Mi invaetem yu blong tingting dip mo plante taem abaot ki kwestin ia: ?Olsem wanem yu harem o lisin gud long Hem? Mi invaetem yu blong tekem ol step blong harem Hem moa gud mo plante moa taem.”3