“?Wanem nao bae mi mekem sapos mi filim se ol traehad blong mi blong serem gospel oli no mekem eni samting i defren?,” Blong Ol Yut Oli Kam Strong, Maj 2022.
Ol Kwestin mo Ol Ansa
“?Wanem nao bae mi mekem sapos mi filim se ol traehad blong mi blong serem gospel oli no mekem eni samting i defren?”
Folem Eksampol blong Kraes
“Wan taem, tija blong mi i talem se i no gat God. Mi bin stap ridim Buk blong Momon evri dei, mo mi bin save se hemia i no tru. Mi traem serem testemoni blong mi, be hem i no lisin nating. Mi lanem se ol aksen blong mi oli toktok i laod moa bitim ol toktok we mi talem. Ol fren blong mi oli sapotem gud ol standet blong mi. Oltaem, oli stap lukluk long mi from se mi mi wan memba blong Jos.”
Valeria F., 18 yia, Honduras
Askem Help
“I gat handred wei blong serem gospel. Samtaem, ol bes traehad blong yu bae i no mekem se ol fren blong yu bae oli glad long yu. Yu no stap yuwan. Askem Papa blong yu long Heven, mo askem Sevya blong yu blong Tufala i help. Bae yu save faenem wan niu samting.”
Banri O., 15 yia, Japan
Stap Wan Gud Eksampol
“Oltaem mi tingbaot advaes blong ol lida blong mi: ‘Stap wan eksampol i wan long ol bes wei blong serem gospel.’ Sapos yumi traehad blong setem wan gudfala eksampol, mo stap wan laet long ol narawan, bae i isi moa blong yumi serem gospel long plante moa pipol. Blong stap wan ripresentativ blong Jisas Kraes, i save tekem ol bigfala blesing oli kam insaed long laef blong yumi, mo tu, insaed long laef blong olgeta raonabaot long yumi.”
Bonnie Q., 16 yia, Bolivia
Hem I Joes blong Olgeta
“Plante taem, oli bin sakemaot mi taem mi bin serem gospel. Blong talem tru, samtaem mi filim nogud from se mi no luk eni risal. Mi bin lanem se i no rong blong mi taem ol pipol oli no akseptem gospel. Hem i joes blong olgeta mo mi mas save wet longtaem. Maet afta, bae ol traehad blong mi oli mekem samting i defren. Oltaem, bae mi save prea long ol pipol we mi stap invaetem.”
Cristina B., 18 yia, Romania
Tij mo Tekem Aksen Semmak Olsem Kraes
“Bae yumi save tingting long samfala wei we oli niu mo i gud moa blong serem gospel. Eksampol, yumi save lanem samting aot long wei ia we Jisas Kraes i bin prij tru long ol parabol mo ol aksen. Ol aksen blong yumi oli soemaot huia yumi, mo wanem nao oli ol standet blong yumi.”
Johann S., 16 yia, Bolivia
Gat Fasin blong Save Wet Longtaem
“Plante taem, oli bin sakemaot mi taem mi bin serem gospel. Blong talem tru, samtaem mi filim nogud from se mi no luk eni risal. Mi bin lanem se i no rong blong mi taem ol pipol oli no akseptem gospel. Hem i joes blong olgeta mo mi mas save wet longtaem. Maet afta, bae ol traehad blong mi oli mekem samting i defren. Oltaem, bae mi save prea long ol pipol we mi stap invaetem.”
Cristina B., 18 yia, Romania
Gohed blong Traem
“Plante taem, taem mi stap invaetem ol fren blong mi blong kam long Jos long Sandei, bae oli no akseptem invitesen. Hem i had blong oli sakemaot mi, be taem mi stap ridim ol skripja, mi save se evri samting we yumi blong ol narawan, yumi stap mekem blong Jisas Kraes. Mi biliv se blong gat fasin blong save wet longtaem, i wan ki long hemia. Yumi neva save wetaem nao ol toktok we yumi serem oli save blesem ol pipol.”
Valeria V., 14 yia, Bolivia
Prea from Olgeta
“Wan isi wei blong serem gospel, i taem yu soem lav we yu gat long ol fren blong yu. Yu save prea blong gat strong tingting long paoa blong serem gospel. Yu save prea tu blong oli save andastanem gud moa mesej ia blong gospel.”
Yuria K., 18 yia, Japan