Go Stret long Poen

?From Wanem God i Jenisim Nem blong Jekob i go long Isrel?

wan yang woman

Peinting i kam long Keith Larson

Jekob i boe blong Aesak, mo i apuboe blong Ebraham . Semmak olsem olgeta, Jekob i gat ol stret mo gud samting we hat blong hem i wantem, mo hem i bin stap lukaotem blong kasem ol blesing blong Lod.

Long wan impoten taem long laef blong hem, “Jekob i bin faet wetem wan series jalenj. God i testem fridom blong hem blong mekem joes. Tru long faet blong hem, Jekob i pruvum wanem i bin moa impoten long hem. Hem i bin soem se hem i bin wantem blong letem God i win insaed long laef blong hem. Olsem ansa, God i bin jenisim nem blong Jekob i go long Isrel, we i minim se ‘letem God i win.’ Afta long hemia, God i bin promesem Isrel se evri blesing we Hem i bin putum antap long hed blong Ebraham, bae i blong hem tu.(Russell M. Nelson, “Letem God I Win,” Okt 2020 jeneral konfrens [  Liahona, Nov 2020, 92]). Blong tekem niu nem ia, i bin wan saen blong stap kasem kavenan ia we papa mo bubuman blong hem, tufala i bin kasem.

Taem yumi baptaes, yumi mekem ol kavenan. Yumi soem se yumi glad blong tekem long yumiwan, wan niu nem—we i nem ia blong Jisas Kraes. Antap long hemia, yumi kam pat blong haos blong Isrel—olgeta ia we oli bin mekem ol kavenan wetem God, mo oli bin promes blong “letem God i win” insaed long laef blong olgeta. Afta long hemia, God i promesem ol semfala blesing we Hem i bin promesem long Ebraham, Aesak, mo Jekob.