“Ikonektar,” Alang sa Kalig-on sa mga Kabatan-onan, Mar. 2022.
Ikonektar
Adam L.
15, Jamaica
Gilitratohan ni Christina Smith
Ang akong mga ginikanan nagpakita nako unsaon nga mahisama ni Kristo. Sila kanunay nga nagtabang sa mga tawo! Ug kon sila moserbisyo sa uban, dili sila magreklamo. Sila nagbalaan sa adlaw nga Igpapahulay. Sila usab mag-ampo matag buntag ug gabii.
Nakakat-on ko og uban pang mga butang gikan sa akong mga ginikanan. Ang akong papa usa ka hanas nga artist. Maayo kaayo siya mo-shade gamit ang lapis. Naghimo ko og tumong sa pagpalambo sa akong art, maong mitan-aw ko kaniya pag-ayo.
Ang lain nakong tumong mao nga makakuha og maayong mga grado sa eskwelahan. Usahay mabalaka ko atol sa mga pasulit. Usa ka higayon dili gyod maayo, maong nag-ampo ko. Pagkahuman, gibati nako ang kagaan ug kalipay sa kaugalingon. Nahuman nako ang pasulit nga walay mga problema. Nasayod ko nga ang Espiritu Santo mitabang nako nga mohunong nga mobati og kahadlok.
Makausa apil ko sa usa ka proyekto sa pagserbisyo sa pagtabang sa pagpamintal sa mga bong-bong sa duol nga eskwelahan. Sa sinugdanan dili ko gusto nga moadto, apan nagsugod dayon ko nga mobati og mas maayo mahitungod niini. Karon, kon moagi ko niana nga eskwelahan, mobati ko nga espesyal. Nasayod ko nga ako nakatabang sa mga bata didto.