“Unsay angay nakong buhaton kon ako mobati nga ang akong mga paningkamot sa pagpaambit sa ebanghelyo wala makahimo og kalainan?,” Alang sa Kalig-on sa mga Kabatan-onan, Mar. 2022.
Mga Pangutana ug Mga Tubag
“Unsay angay nakong buhaton kon ako mobati nga ang akong mga paningkamot sa pagpaambit sa ebanghelyo wala makahimo og kalainan?”
Sunda ang Ehemplo ni Kristo
“Usa ka higayon ang akong magtutudlo miingon nga walay Dios. Nagbasa ko sa Basahon ni Mormon kada adlaw ug nasayod ko nga unsay iyang gisulti dili tinuod. Naningkamot ko nga mopaambit sa akong pagpamatuod, apan wala siya maminaw. Akong nakat-onan nga ang akong mga aksiyon mosulti og mas kusog kay sa akong mga pulong. Suportado kaayo ang akong mga higala sa akong mga sumbanan. Kanunay silang nagtan-aw kanako tungod kay ako usa ka miyembro sa Simbahan.”
Valeria F., 18, Honduras
Pangayo og Tabang
“Adunay gatosan ka paagi sa pagpaambit sa ebanghelyo. Usahay ang imong labing maayong mga paningkamot dili garantiya nga ang imong mga higala motamod kanimo. Ikaw wala mag-inusara. Pangayo og tabang sa imong Langitnong Amahan ug sa Manluluwas. Ikaw makadiskobre og butang nga bag-o.”
Banri O., 15, Japan
Magmahimong Maayong Ehemplo
“Nahinumdom ko kanunay sa tambag sa akong mga lider: ‘Ang pagkahimong maayong ehemplo mao ang usa sa labing maayong paagi sa pagpaambit sa ebanghelyo.’ Kon maningkamot kita nga magpakita og maayong ehemplo ug mahimong kahayag ngadto sa uban, mas mahimong sayon alang kanato nga mopaambit sa ebanghelyo ngadto daghan pa nga mga tawo. Ang pagkarepresentante nato ni Jesukristo makahatag og daghang mga panalangin sa atong kinabuhi ug sa mga kinabuhi niadtong anaa libot kanato.”
Bonnie Q., 16, Bolivia
Kana Ilang Pagpili
“Gisalikway ako sa makadaghang higayon sa dihang mipaambit ko sa ebanghelyo. Sa tinuod, usahay mobati ko og kasubo tungod kay wala nako makita ang bisan unsa nga mga resulta. Nakat-onan nako nga dili nako sayop kon ang mga tawo dili modawat sa ebanghelyo. Kana ilang pagpili, ug kinahanglan nga ako magmapailubon. Ang akong mga paningkamot basin makahimo ra unya og kalainan. Makaampo ako kanunay alang sa mga tawo nga akong gidapit.”
Cristina B., 18, Romania
Motudlo ug Molihok sama ni Kristo
“Makahunahuna kita og bag-o, makalingaw nga mga paagi sa pagpaambit sa ebanghelyo. Pananglitan, makakat-on kita gikan sa paagi sa pagsangyaw ni Jesukristo gamit ang mga sambingay ug mga aksiyon. Ang atong mga aksiyon magpakita kon kinsa kita ug sa atong mga sumbanan.”
Johann S., 16, Bolivia
Pagmapailubon
“Gisalikway ako sa makadaghang higayon sa dihang mipaambit ko sa ebanghelyo. Sa tinuod, usahay mobati ko og kasubo tungod kay wala nako makita ang bisan unsa nga mga resulta. Nakat-onan nako nga dili nako sayop kon ang mga tawo dili modawat sa ebanghelyo. Kana ilang pagpili, ug kinahanglan nga ako magmapailubon. Ang akong mga paningkamot basin makahimo ra unya og kalainan. Makaampo ako kanunay alang sa mga tawo nga akong gidapit.”
Cristina B., 18, Romania
Padayon sa Pagpaningkamot
“Daghang mga higayon sa dihang gidapit nako ang akong mga higala nga moadto sa simbahan ma-Dominggo, mibalibad sila sa pagdapit. Lisod nga isalikway, apan samtang nagbasa ko sa mga kasulatan, nasayod ko nga ang tanan nga atong gibuhat alang sa uban, gibuhat nato alang ni Jesukristo. Nagtuo ko nga ang pagbaton og pailub mao ang yawe. Dili gayod kita masayod kanus-a ang mga pulong nga atong gipaambit mopanalangin sa mga tawo.”
Valeria V., 14, Bolivia
Pag-ampo alang Kanila
“Usa ka sayon nga paagi sa pagpaambit sa ebanghelyo mao ang pagpakita sa imong gugma alang sa imong mga higala. Makaampo ikaw alang sa kaisog sa pagpaambit sa ebanghelyo. Makaampo usab ikaw alang kanila nga makabaton og mas maayo nga pagsabot sa mensahe sa ebanghelyo.”
Yuria K., 18, Japan