“Unsaon Ninyo sa Pagkadungog Kaniya?,” Alang sa Kalig-on sa mga Kabatan-onan, Mar. 2022.
Kataposang Pulong
Unsaon Ninyo sa Pagkadungog Kaniya?
Gikan sa usa ka pakigpulong sa Abril 2020 nga kinatibuk-ang komperensiya.
Mga paghulagway pinaagi ni Oksana Grivina
Kauban sa malinawong direksyon nga atong nadawat gikan sa Espiritu Santo, sa matag karon ug unya, ang Dios sa impluwensyal ug sa personal kaayo nga paagi misiguro sa matag usa kanato nga Siya nakaila ug nahigugma kanato ug Siya nanalangin kanato sa piho ug sa dayag nga paagi. Dayon, sa atong mga kalisdanan, kining mga kasinatian ibalik sa Manluluwas diha sa atong hunahuna.
Hunahunaa ang kaugalingon nimong kinabuhi. Kini nga mga kasinatian posibling moabot sa importanting mga panahon sa atong kinabuhi, ug tingali sa sinugdanan daw dili kaayo importanting mga hitabo. Kining espirituhanondili angay hikalimtang mga gutlo moabot sa managlahing panahon ug managlahing paagi, nga gitinagsa-tagsa sa matag usa kanato.
Si Joseph Smith mipasab[o]t nga usahay makadawat kita og “hinanaling pagsant[o]p sa mga ideya” ug panagsa sa tiunay nga pagdagayday sa salab[o]tan.1
Si Presidente Dallin H. Oaks, sa pagtubag sa sinsero nga tawo kinsa miingon nga wala pa gayod siyay ingon niana nga kasinatian, mitambag, “Tingali ang imong mga pag-ampo balik-balik nang gitubag, apan ikaw nangita og usa ka timailhan nga klaro kaayo o tingog nga kusog kaayo nga nagtuo na noon ka nga wala ka tubaga.”2
Bag-o lang natong nadungog si Presidente Russell M. Nelson nga miingon: “Ako modapit kaninyo sa paghunahuna og maayo ug sa kanunay bahin niining mahinungdanon nga pangutana: Unsaon nimo sa pagkadungog Kaniya? Ako usab modapit kaninyo sa paghimo og mga lakang aron mas makadungog Kaniya ug mas kanunay.”3