Direkta sa Punto

Ngano nga ang Dios miusab sa ngalan ni Jacob ngadto sa Israel?

Painting ni Keith Larson

Si Jacob mao ang anak nga lalaki ni Isaac ug ang apo ni Abraham. Sama kanila, si Jacob adunay matarong nga mga tinguha ug nagtinguha sa mga panalangin sa Ginoo.

Sa usa ka importante nga higayon sa iyang kinabuhi, “si Jacob nakigdumog og seryoso nga hagit. Ang iyang kabubut-on gisulayan. Pinaagi niini nga pakigdumog, gipamatud-an ni Jacob kon unsa ang labing importante kaniya. Iyang gipakita nga andam niyang ipatigbabaw ang Dios labaw sa tanan diha sa iyang kinabuhi. Agig tubag, giusab sa Dios ang ngalan ni Jacob ngadto sa Israel, nga nagpasab[o]t nga ‘ipatigbabaw ang Dios labaw sa tanan.’ Ang Dios dayon misaad kang Israel nga ang tanan nga mga panalangin nga gisaad kang Abraham maiya usab” (Russell M. Nelson, “Ipatigbabaw ang Dios Labaw sa Tanan,” Okt. 2020 nga kinatibuk-ang komperensiya [ Liahona, Nob. 2020, 92]). Ang pagdawat niini nga ngalan mao ang usa ka timailhan sa pagdawat sa pakigsaad nga nadawat sa iyang amahan ug apohan.

Sa dihang kita gibunyagan, kita mihimo og mga pakigsaad. Kita usab nagpakita nga kita andam sa pagdala diha sa atong mga kaugalingon sa bag-o nga ngalan—ang ngalan ni Jesukristo. Agig dugang, kita mahimong kabahin sa balay ni Israel—kadtong kinsa mihimo og mga pakigsaad uban sa Dios ug misaad nga “ipatigbabaw ang Dios labaw sa tanan” sa ilang kinabuhi. Ang Dios misaad kanato sa samang mga panalangin nga Iyang gisaad ngadto ni Abraham, Isaac, ug Jacob.