“Semati,” Me iSakisaki ni iTabagone, Maji 2022.
Semati
Adam L.
15, Jamaica
iTaba mai vei Christina Smith
Erau vakaraitaka vei au na noqu itubutubu na sala meu bula Vakarisito kina. Era sa dau vukei ira tikoga na tamata! Ni ra qaravi ira na tamata, era sega ni vosakudrukudru. E ratou vakatabuya na Siga ni Vakacecegu. E ratou dau cavuta talega na nodratou masu ena veimataka kei na bogi.
Au vulica eso tale na ka mai vei rau na noqu itubutubu. O tamaqu e daudroini totoka. E matai sara o koya ena vakatabuto ena penikau. Au sa lalawataka meu vakavinakataka na noqu cakacaka ni liga, kau sa dau wanonovi koya toka.
Au sa lalawa talega meu rawata na maka vinaka e koronivuli. So na gauna au dau lomaleqa ena gauna ni veitarogi. Dua na gauna a ca dina sara, au sa qai masu. Ni oti o ya, au a vakila na vakacegu ka marau na lomaqu. Au a qai rawa ni cakava na noqu veitarogi ka sega na leqa. Au kila ni a vukei au na Yalo Tabu meu kakua ni rere.
Dua na gauna au a veivuke tiko ena dua na cakacaka ni veiqaravi meu boroya na lalaga ni dua na koronivuli voleka. Taumada au a sega ni vinakata meu tiko kina, ia au a qai tekivu marautaka sara. Ia, ena gauna oqo niu lakova sivita na koronivuli oya, au vakila niu ka talei. Au kila niu a vukei ira na gone e kea.