“O Dau Rogoci Koya Vakacava?,” Me iSakisaki ni iTabagone, Maji 2022.
iOtioti ni Vosa
O Dau Rogoci Koya Vakacava?
Mai na dua na vosa ena koniferedi raraba ni Epereli 2020
Droini mai vei Oksana Grivina
Ena kena sala vata mai na veidusimaki veivakacegui eda dau ciqoma mai vua na Yalo Tabu, ena veigauna eso, sa dau vakadeitaki keda mai vakaukauwa vakatamata yadua ni kilai keda o Koya ka lomani keda. Ia, ena noda gauna ni dredre, sa dau kauta lesu mai na iVakabula ki na noda vakanananu na veika oqo.
Vakasamataka mada na nomu bula. Na veika sotavi oqo e rawa ni yaco mai ena veigauna bibi ni noda bula se ena dua na ituvaki ena rairai sega beka ni namaki. Na veigauna veivakatudonutaki vakayalo vaqo e yaco mai ena gauna duidui kei na sala duidui talega, vakatamata yadua.
A vakamacalataka o Josefa Simici ni so na gauna eda dau ciqoma “na tatibi vakasauri ni vakasama” kei na so na gauna na drodro savasava ni vuku.1
Ena nona sauma o Peresitedi Dallin H. Oaks, na nona kauwai e dua na turaga yalodina ka a tukuna ni se bera vakadua ni bau sotava e dua na ka vaqori, a vakasalataka, “De sa saumi beka mai vakavuqa na nomu masu, ia o nanamaki toka beka ki na dua na ivakatakilakila cecere se dua na domo rogolevu o qai nanuma kina ni se bera ni dua mai na kena isau vei iko.”2
Eda a rogoci Peresitedi Russell M. Nelson ni a kaya wale tikoga qo: “Au sureti kemuni mo ni vakasamataka vakatitobu vakawasoma na taro bibi oqo: O dau rogoci Koya vakacava? Au sureti kemuni talega mo ni cavu ikalawa yani mo ni rogoci Koya vakavinaka cake ka vakawasoma cake.”3