Na iVakarau ni Neimami Sokalou

E Cagayan, ena Yatu Filipaini

iYaloyalo mai na Getty Images

Magandang araw! Kamusta?
(E kena ibalebale “Ni bula vinaka! Sa vakacava tiko?” ena Tagalog.)

Na yacaqu o Agravaine L.

Au vakaitikotiko ena dua na taoni lailai e Cagayan ena Yatu Filipaini. Au tiko vata kei buqu vakarua kei na tukaqu vakarua, o buqu, o nana, kei rau na taciqu. Io, e dina keitou vuvale levu! Sa ivakarau tu ni bula eke ena Yatu Filipaini. Era kilai tu na kai Filipaini ena kaukauwa ni nodra isema vakamatavuvale. Oqori na tikina taleitaki ni noqu bula tiko eke. Na draki katakata totoka sa ikuri ni kena vinaka!

Au dau taleitaka na wili mekasini ka vakarorogo ki na podakaseti kei na ivakatagi veilaveti. Au taleitaka talega meu volavola ka vakau ga vei au ki na noqu veisiga ni mataka, vei watiqu, kei iratou na gone!

Vuli kei na Veiwasei

Na noqu tikina taleitaki niu lewena Na Lotu i Jisu Karisito ni Yalododonu Edaidai sai koya na noqu kila niu tiko ena Lotu dina i Karisito. Au taleitaka na sikova na valetabu, wasea na kosipeli, ka gole ki na semineri kei ira na noqu itokani. Au vulica e levu sara na ka mai na veika kece oqo.

Au dau sotava na dredre ena so na gauna ena vosota me yacova na ivakataotioti. Ia au dau saga na noqu vinaka taucoko meu vulica na noqu ivolanikalou ena veibogi. Na Lako Mai, Mo Muri Au e vukea na noqu vuli vakalevu! Au taleitaka talega na wili italanoa mai vei ira na itabagone tale eso ena mekasini ni Lotu. Au dau vakayagataka na Gospel Library app me rawa niu tauri itukutuku veilaveti ena noqu taga, se vanua cava ga au tiko kina.

E vuqa vei ira na noqu itokani e koronivuli era lewe ni Lotu. Au dau nanuma ni kena ibalebale ni sega ni dua na madigi meu wasea kina na kosipeli. Ia au sa vulica ni kena wasei na kosipeli e sega ni vei ira walega na tamata ena veimatalotu duidui. Au taleitaka na wasea na noqu ivakadinadina vei noqu itokani vinaka duadua e koronivuli, ka lewenilotu talega o koya!

Au dau vakayagataka na Gospel Library app me rawa niu tauri itukutuku veilaveti ena noqu taga, se vanua cava ga au tiko kina.

Na Siga ni Vakacecegu

Na neitou vale e yawa mai na vale ni Lotu, ka keirau sa navuca kei taciqu me keirau na lako ki na neirau soqoni ena kena gauna (se totolo cake, ke rawa)!

Keirau yadra ena 4:00 ena mataka ka taubale yani ki na vale nei noqu nei, ena gaunisala vata ga ki vale ni Lotu. Keirau veisau mai na neirau isulu ni taubale ki na neirau ivinivo. Keirau a qai taubale tale me 30 na miniti ki vale ni Lotu (ka so na gauna e 25 na miniti kevaka keirau taubale sara vakatotolo). Baleta ni keirau vakavakarau rawa tu baleta na Sigatabu, keirau a sega vakadua ni bera! Ia, e voleka sara ni sega. E dau soso sara na gaunisala ni tau na uca. Dua na gauna a taubi sara na uca au a qai tao tu ena soso ka sega ni yavala rawa!

Ia sa yaga kece sara ni yaco rawa e valenilotu. Au vakila na vakacegu kei na reki niu tukuna tiko na kosipeli ka vakatetea na itukutuku rekitaki ni noda iVakabula. Au taleitaka na wasea na noqu ivakadinadina ena soqoni kece ni lolo kei na soli ivakadinadina! Na noqu kalasi ni Matawilivola ni Sigatabu sa vanua cecere talega meu wasea kina na noqu raititobu me baleta na kosipeli i Jisu Karisito ka vuli talega mai vei ira eso tale.

E rauta ni 7,600 taucoko na yanuyanu ena vanua o Filipaini—ka 2,000 vei ira era sega tu ni vakayacani!

Na isevu ni misini ni karaoke a buli mai na Yatu Filipaini.

E sivia ni 120 na veimataqali vosa era tiko ena Yatu Filipaini.

Na Yatu Filipaini e levu duadua e vuravura taucoko na levu ni niu e tea ka volitaka yani e vuravura: e rauta ni 19.5 na milioni na tani ena veiyabaki!

Ena 2021 sai koya nai ka 60 ni yabaki ni vakananumi ni Lotu ena Yatu Filipaini.

Na Valetabu e Manila Philippines, na imatai ni valetabu ena Yatu Filipaini, a vakatabui ena 1984.

Tukuna Mai na iVakarau ni Nomuni Sokalou

Keimami na taleitaka na rogoca se vakacava tu beka na bula vaka-lewe ni Lotu ena nomuni itikotiko. Vakauta mai e dua na ivakamacala lekaleka ni nomu itikotiko, na cava o dau cakava ena Siga ni Vakacecegu, nomu itaviqaravi taleitaki, se dua tale na ka o rawa ni vakasamataka. Vakauta ki na [e-mail].