“Katomaira,” Ibukin Kakorakoraia Kairake, Maati 2022.
Katomaira
Adam L.
15, Jamaica
Rawetamnei iroun Christina Smith
A kaotia nakoiu au karo arou ni kona n riki n aron Kristo. A buokiia aomata n tainako! Ao ngkana a beku ibukiia tabeman, aki ngurengure. A kawakina tabun te bong ae te Tabati. A taekinna naba bwa a karaoa aia tataro ni katoa moaningabong ao n te tairiki.
I reiakin bwaai tabeua mairouia au karo. Tamau bon te tia korotamnei ae bane arona. E rangi ni bwaati n te korotamnei ma te bentira. I katea au kouru bwa n na kanakoraoa au korotamnei, ngaia ae I matakuakinna raoi.
Te kouru riki teuana bwa N na karekei au bui aika raoiroi n te reirei. N tabetai I raraoma n tain au ukeuke. Te tai teuana e bon rangi ni bauakaka, ngaia ae I tataro. Imwiina riki, I namakina te oota ao te kukurei inanou. I a kona ni karaoa te ukeuke n akea te kangaanga. I ataia bwa e buokai te Tamnei ae Raoiroi ni katoka namakinan te maaku.
N te taina I ira te mwakuri n ibuobuoki ni buoka benian oon te reirei irarikira. N te moan tai I aki tangiria ni mena ikekei, ma imwiina I moanna n namakina ae raoiroi. Ngkai, ngkana I rirarikin n te reirei anne, e anganai te namakin ae onoti. I ataia bwa I buokiia ataei ikekei.