Nakon Raoi te Iango

Bukin tera te Atua e bita aran Iakobwa nakon Iteraera?

Korotamnei iroun Keith Larson

Iakobwa bon natin Itaaka te mwaane ao tibun Aberaam te mwaane. N aroia, iai nanon Iakobwa aika raraoi ao e ukoukora ana kakabwaia te Uea.

Ni maiuna ae moan te kakawaki, “Iakobwa e kaitara ma te kakaewenako ae moan te matoatoa. E kataaki inaomatana. Rinanon te aitaraniboo aei, e kakoaua Iakobwa te bwai ae moan te kakawaki irouna. E kaotia bwa e tauraoi ni kariaia te Atua bwa e na tautaekana maiuna. Ni kaekaana, te Atua e bita aran Iakobwa nakon Iteraera,, nanona “kariaia te Atua bwa e na tautaekana maiuna.” Imwiina ao e berita te Atua nakon Iteraera bwa kakabwaia ni kabane ake a tia ni katokaaki iaon atuun Aberaam a na riki naba bwa ana bwai” (Russell M. Nelson, “Let God Prevail,” Okitobwa 2020 maungatabu ni kabuta [Ensign ke Liahona, Nobembwa 2020, 92]). Anakin te ara ae boou aei bon te kanikina ni karekean ana berita ae tabu tamana ao tibuna te mwaane are e a tia ni karekea.

Ngkana ti bwabetoaki, ti karaoi berita aika tabu. Ti kaotia naba bwa ti kukurei ni katoka iaora te ara ae boou—aran Iesu Kristo. Irarikin anne, ti riki bwa mwakoron kaain te bata are i Iteraera—naake a tia ni karaoi berita aika tabu ma te Atua ao n tia ni berita bwa a na “kariaia te Atua bwa e na tautaeka” inanon maiuia. Te Atua e beritan nakoira kakabwaia naba ake E beritan nakon Aberaam, Itaaka, ao Iakoba.