“Tera ae n na riai ni karaoia ngkana I namakinna bwa au mwakuri n tibwaua te euangkerio aki nakoraoi?,” Ibukin Kakorakoraia Kairake, Maati 2022.
Titiraki ao Kaekaia
“Tera ae n na riai ni karaoia ngkana I namakinna bwa au mwakuri n tibwaua te euangkerio aki nakoraoi?”
Irii Ana Banna ni Katooto Kristo
“Te tai teuana ao e taku au tia reirei bwa akea te Atua. I a tia ni wareka Ana Boki Moomon ni katoabong ao I ataia bwa te bwai are e taekinna e bon aki eti. I kataia n tibwaua au koaua, ma e aki kakauongo. I a tia n reiakinna bwa a korakora riki au mwakuri nakon au taeka. A rangi ni boutokai au kainibaire raoraou. Aki toki n tarataraai ibukina bwa ngai kaain te Ekaretia.”
Valeria F., 18, Honduras
Bubuti te Buoka
“Iai kawai aika tebubua n tibwaua te euangkerio. N tabetai am kekeiaki ae te kabanea n tamaroa e aki karikiia raoraom bwa a na kakaitauko iai. Ko aki kona ni karaoia n ti ngkoe n akea aia ibuobuoki tabeman. Bubutia Tamam are i Karawa ao te Tia Kamaiu ibukin aia ibuobuoki. Ko kona ni kunei bwaai aika boou.”
Banri O., 15, Japan
Riki bwa te Banna ni Katooto ae Raoiroi
“I aki toki n uring aia reirei au taan kairiiri: ‘Te riki bwa te banna ni katooto bon ngaia teuana te kabanea n tamaroa ni kawai n tibwaua te euangkerio.’ Ngkana ti kataia ni katea te banna ni katooto ae raoiroi ao n riki bwa te oota nakoia tabeman, e na rangi ni bebete riki ibukira n tibwaua te euangkerio ma aomata aika mwaiti riki. Te riki bwa a na tia tei Iesu Kristo e kona ni uoti kakabwaia aika tamaroa nakon maiura ao nakoia kaain rarikira.”
Bonnie Q., 16, Bolivia
Bon Aia Rinerine
I a tia n aki butimwaeaki n taai aika mwaiti ngke I tibwaua te euangkerio. Ni koauana, n tabetai ao I namakina te nanokawaki ibukina bwa akea mwiia aika I noori. I a tia n reiakinna bwa tiaki au kairua ngkana aki butimwaea te euangkerio aomata. Bon aia rinerine, ao I riai ni bwaina te taotaonakinnano. Imwiina ao iai te nakoraoi n au kekeiaki. I kona n tataro n tainako ibukiia aomata aika I kaoia.”
Cristina B., 18, Romania
Reirei ao Karaoia n Aron Kristo
“Ti kona n iangoi, kawai ni kakukurei aika boou n tibwaua te euangkerio. Te katooto, ti kona n reirei man te kawai are e kabwarabwara iai Iesu Kristo rinanon taetae ni kaikonaki ao karaoakiia. Ara mwakuri a kaotiira bwa antai ngaira ao ara kainibaire.”
Johann S., 16, Bolivia
Bwaina te Taotaonaki n nano
I a tia n aki butimwaeaki n taai aika mwaiti ngke I tibwaua te euangkerio. Ni koauana, n tabetai ao I namakina te nanokawaki ibukina bwa akea mwiia aika I noori. I a tia n reiakinna bwa tiaki au kairua ngkana aki butimwaea te euangkerio aomata. Bon aia rinerine, ao I riai ni bwaina te taotaonakinnano. Imwiina ao iai te nakoraoi n au kekeiaki. I kona n tataro n tainako ibukiia aomata aika I kaoia.”
Cristina B., 18, Romania
Keiaki Kataia
“A mwaiti taai ngke I kaoia raoraou nakon te taromauri n te Tabati, ma aki butimwaea te kakao. E matoatoa ae ko na totokoia, ma ngke I wareki booki aika tabu, I reiakinna bwa bwaai ni kabane aika ti karaoi ibukiia tabeman, ti karaoi ibukin Iesu Kristo. I kakoaua bwa bwainakin te taotaonakinnano bon ngaia kawaina. Ko aki kona n ataia ngkana taeka aika ti tibwauai a na kakabwaiaia aomata.”
Valeria V., 14, Bolivia
Tataro Ibukiia
“Te kawai ae bebete n tibwaua te euangkerio bon man kaotakin am tangira ibukiia raoraom. Ko kona n tataro ibukin te konabwai n tibwaua te euangkerio. Ko kona naba n tataro ibukiia bwa a na karekea otaia ae nakoraoi riki n rongorongon te euangkerio.”
Yuria K., 18, Tiabaan