“Ekkeijel ippān,” N̄an Kōkajoorļo̧k Jodikdik ro, M̧aaj. 2022.
Ekkeijel
Adam L.
15, Jamaica
Pija jān Christina Smith
Ro jinō im jema rekar kwaļok tok wāween n̄an erom̧ āinwōt Kraist. Rej jipan̄ armej aolep iien! N̄e rej jerbal n̄an ro jet, rejjab elotaan. Rej kōjparok Raan in Jabōt im Kōkwojarjar e. Rej bōrainwōt jar aolep jibbon̄ im jota.
Ikar ekkatak men ko jet jān jinō im jema. Baba ej juon rijin̄n̄a eo elap an kapeeļ. Eļaptata eļap an kōjerbaļ pinjeļ ilo an kōm̧arokļo̧k im kaļļm̧o̧ri pija ko. Iar ļikiti juon aō kōtōbar n̄an kōkm̧anm̧anļo̧k wāween ao jin̄n̄a, kōn menin iar lukkun lale an jin̄n̄a.
Juon kōtōbar eped iba ej n̄an bōk kūreet ko rem̧m̧an ilo jikin jikuuļ. Jet iien ij inebata ilo iien teej ko. Juon iien ear lukkun nana, kōn menin ikar jar. Elkin, ikar en̄jake meraļo̧k im m̧ōņōņō itulowa. Iaar maron̄ bōk teej eo aō ilo an ejjeļo̧k apan̄ ko. Ijeļā ke Jetōb Kwojarjar ear jipan̄ eō n̄an kabōjrak en̄jaake in mijak.
Juōn tōre iaar bed ilo jerbal in jipan̄ ilo juon būrojeek n̄an jipan̄ unoik dipin wo̧o̧ļ ko iturin im̧ōn jikuul eo epaak. Jinoin ikar jab kōnaan bed ijo, bōtaab ālkin ikar jino em̧m̧an aō en̄jake kake. Kiiō, iien otemjej ij eļļā jān jikin jikuuļ eo, ekōm̧m̧an bwe in en̄jake eaorōk. Ijeļā ikar jipan̄ ajiri ro ijeņ.