“Etke Irooj eaar ukōt etan Jekob n̄an Israel?,” N̄an Kōkajoorļo̧k Jodikdik ro, M̧aaj 2022.
N̄an Un eo
Etke Irooj eaar ukōt etan Jekob n̄an Israel?
Pija jin̄n̄ak in jān Keith Larson
Jekob ekar ļaddik eo nejin Aisek im ļaddik eo jibūn Ebream. Einwōt er, Jekob eaar kōņaan men ko rem̧m̧an im kar kappukot kōjeraam̧m̧an ko an Anij.
Ilo juon tōre aorōk ilo mour eo an, “Jekob ear jelm̧ae mālijjon̄. Kar mālijjon̄e anemkwoj eo an. Men̄e jelm̧ae in, Jekab ekar kam̧ool ta eo eļap aorōk n̄an e. Ekar kwaļo̧k bwe ekar kōņaan bwe Anij en anjo̧ ilo mour eo an. N̄an uwaake, Anij eaar ukōt etan Jekob n̄an Israel,, meļeļein “Anij en anjo̧.” Innām Anij eaar kallim̧uri Israel bwe aolep kōjeraam̧m̧an ko me an Ebream renaaj bar an” (Russell M. Nelson, “Anij En Anjo̧,” Okt. 2020 kweilo̧k eo eļap [Ensign ak Liaona, Nob. 2020, 92]). Bōk āt in ekāāl eaar juon kōkaļļe n̄an bōke bujen eo jān jemān im jim̧m̧aan kar kōjeram̧m̧an er kake.
N̄e jej peptaij, jej kōm̧m̧ani bujen ko. Jej bar kwaļo̧k bwe jej m̧ōņōņō in bōk iood make juon āt ekāāl—āt eo etan Jisōs Kraist. N̄an kakobaba, jej erom m̧ōttan m̧weo imōn Israel—rein me raar kōm̧m̧ane bujen ko aer ippen Anij im kar kallim̧ur n̄an kōtļo̧k bwe “Anij en anjo̧” ilo mour ko aer. Innām Anij eaar kallim̧uri kōj kōn ejja kōjeraam̧m̧an ko wōt n̄an Ebream, Aisek, im Jekob.