Unin Tōl eo im N̄a

Jodikdik ro rej kwaļo̧k ekōjkan aer mour kōn naan ko an Unin Tōl ko an Doulul eo an Jiron̄ ro im Doulul eo an Priesthood eo an Aron

Kajoor eo an Priesthood ilo Ajeded in Nan̄inmej eo

“Inaaj iakwe Anij … im kōjerbal priesthood eo An n̄an jerbal n̄an ro jet, jino ilo m̧weo im̧ō make.”

Jān Cole Collins

Pija ko jān Getty Image ko

Ke kōm̧ kar jino kōm̧m̧an jar ilo m̧ōko m̧ōd kōnke wōt ajeded in nan̄inmej in COVID-19, ikar jipan̄ leļo̧k kwojkwoj eo n̄an baam̧le eo aō. Ekar em̧m̧an n̄an maron̄ kōm̧m̧ane menin ilo m̧weo im̧ō make, im ekar kōm̧m̧an bwe in kile ewi jon̄an aō kam̧m̧oolol kōn kwojkwoj eo. Ij kam̧m̧oolol bwe ikar maron̄ in mour ilo iien in an kōm̧m̧an jar ilo m̧weo.

Juon iaan ro rūturum ekar aikuji juon n̄an bōkļo̧k kwojkwoj eo n̄an e. Ekar ejjeļo̧k juon ilo m̧weo im̧ōn me emaron̄ kar kōpooj im kōjeraam̧m̧an kwojkwoj eo kōnke ļeo pāleen ekar mej jejjo iiō ko remootļo̧k. Liin ekar barāinwōt mejmej karuo kōn riloļo̧k ro kōn ajeded in nan̄inmej eo. Jema im n̄a kōmro ej an rikarejar m̧aan, kōn menin kōm kar leļo̧k n̄an liin kwojkwoj eo ilo am ekkōņak māāj im kōm̧m̧ani bun̄tōn bōbrae ko jet n̄an inem̧m̧an eo an.

Liin ekar lukkuun kam̧m̧oolol bwe kōm maron̄ kar loļo̧k. Ekar kōm̧m̧an bwe in en̄jake jidik būrom̧ōj bwe liin ekar make iaan, kōnke kar e wōt juon ilo m̧weo im̧ōn ilo iien ajeded in nan̄inmej eo. Bōtaab ikar barāinwōt kam̧m̧oolol bwe imaron̄ kar leļo̧k n̄an e juon men eo ekanooj in aorōk n̄an kōm̧m̧an bwe en m̧ōņōņō. Ekar em̧m̧an jerbal im jipan̄ liin. Ekar kōm̧m̧an bwe in m̧ōņōņō bwe jema im n̄a kom̧ro kar maron̄ in etal im jerbal n̄an eo rūturim.

Ij kam̧m̧oolol kōn aō kabijer priesthood eo kōnke ej kōjeraam̧m̧an ejjab n̄a wōt ak barāinwōt armej ro jet. Ejipan̄ eō erom̧ juon armej em̧m̧anļo̧k im ejipan̄ eō lo ekōjkan aō maron̄ jerbal n̄an ro jet. Letok letak kwojkwoj eo ilo m̧weo im̧ō im n̄an eo rūturū ekar kōpeļļo̧k mej ko meja. Ij aikuj in bōk em̧m̧an eo an iien eo em̧m̧an n̄an leto letak kwojkwoj eo im jerbal n̄an armej ro me rejjab maron̄ kōm̧m̧ane n̄an er make. Ij kam̧m̧oolol imaron̄ kōjerbale priesthood eo n̄an kōjeraam̧m̧an armej ro jet im baam̧le eo aō.

Rijeje eo ej jokwe ilo Utah, USA.