“Ilo Cagayan, Philippines,” N̄an Kōkajoorļo̧k Jodikdik ro, M̧aaj. 2022.
Elmen Ad Kabun̄ jar
Ilo Cagayan, Philippines
Pija ko jān Getty Image ko
Magandang araw! Kamusta?
(Ej meļeļe in “Raan em̧m̧an! Ejet am̧ mour?” ilo kajin Tagalog.)
Etan in Agravaine L.
Ij itok jān juon bukwōn edik ilo Cagayan ilo Philippines. Ij jokwe ippān jinen būbū im jemān būbū, būbū, m̧am̧a, im sister ro ruo aō. Aaet, ejjeļo̧k kajjitōk ewōr juon aō baam̧le kileplep! Ekanooj ļap jeļā kake menin ijin ilo Philippines. Ripilipiin ro jeļā kake er kōn aer jeļā nuki im ippān doon. Ej m̧ōtta eo em̧m̧an tata ippa kōn mour ijin. Mejatoto in tropical eo ej juon jeraam̧m̧an!
Itok limo ko aō rem̧m̧an tata ej riiti māākjin ko im ron̄jake podcast ko im al ko rōkōketak eō. Ebar em̧m̧an ippa jeje leta ko rej iookļo̧k ilju im jekļaj eo aō, ļeo pāleō, im ajri ro nejū!
Ekkatak im Kwaļo̧k
M̧ōttan eo em̧m̧an tata ippa kōn aō juon membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata ej kōn jeļā eo bwe ij pād ilo Kabun̄ eo an Kraist em̧ool. Ij iakwe etal n̄an tampeļ, kwaļo̧k gospel eo, im etal n̄an jemeneri ippān ro m̧ōtta. Ekanooj ļap ijo ikkatak jān aolepān en̄jake kein.
Jet iien ij kakkōt kōn niknik n̄an jem̧ļo̧kin. Bōtaab ij kōm̧m̧ane jon̄an eo imaron̄e n̄an ekkatak jeje ko rekwojarjar aō aolep bon̄. Itok, Ļoor Eō ekanooj jipan̄ eō ilo aō kōm̧m̧ani ekkatak ko aō make! Ij barāinwōt iakwe riiti bwebwenato ko jān jodikdik ro jet ilo māākjin ko an Kabun̄ in. Ij kōjerbal Gospel Library app eo bwe en maron̄ wōr ippa ennaan ko rōkōketak ilo bōjo̧ eo aō, jekdo̧o̧n ia eo ij pād ie.
Elōn̄ wōt iaan ro m̧ōtta ilo jikuuļ rej membōr in Kabun̄ in. Ikar ļōmņak bwe ekōn ejjeļo̧k aō iien ko rem̧m̧an n̄an kwaļo̧k gospel eo. Bōtaab ikar ekkatak bwe kwaļo̧k gospel eo ejjab aikuj in wōt ippān armej ro jān kabun̄ ko roktak. Ij iakwe kwaļo̧k naan in kam̧ool eo aō ippān eo m̧ōtta ilukkun epaake ilo jikin jikuuļ, im liin ej bar juon membōr!
Jabōt
M̧weo im̧ōm ettoļo̧k jān im̧ōn jar eo an Kabun̄ in, kōn menin leddik ro jatū im n̄a kar aikuj in kōm̧m̧an karōk m̧oktaļo̧k n̄an am pād ilo kweilo̧k ko am ilo awa eo ejetjet (ak m̧oktaļo̧k, ilo kōjatdikdik)!
Kōmij ruj ilo 4:00 jibbon̄ im etal laļļo̧k n̄an m̧ōn kōrā eo nej jinem, eo ej pād ilo iaļ eo ļo̧k n̄an im̧ōn jar eo an Kabun̄ in. Kōmij jāniji nuknuk in etetal ko am n̄an nuknuk in jar ko am. Innām kōmij bar jino etal laļļo̧k bar 30 minit ko n̄an tōparļo̧k im̧ōn jar eo an Kabun̄ in (ak jet iien 25 minit eļan̄n̄e kōmij lukkuun ekairir etetal). Kōnke kōmij m̧aanjabpopo im̧aanļo̧k n̄an Jabōt ko, kōmij jan̄in kar rum̧ij! Ekwe, eitōn aolep iien kōmim ejjab rūm̧ūj. Iaļ eo ekōn lukkuun in epedekatkat n̄e ej wōt. Juon iien ekar wōt mijeljel jon̄an ikar bōjrak ilo pedkat eo im kar jab maron̄ em̧m̧akūt!
Bōtaab ekanooj ļap tokjān n̄e kōmij tōprakļo̧k ilo jar. Ij en̄jake aenōm̧m̧an im lan̄lōn̄ ilo aō kōnono kōn gospel eo im kajeded naan eo em̧m̧an kōn ad Rilo̧mo̧o̧r. Ij iakwe kwaļo̧k naan in kam̧ool eo aō aolep kweilo̧k in jitlo̧k im kwaļo̧k naan in kam̧ool! Kūlaaj in Jabōt Jikuuļ ko aō rej barāinwōt juon jikin em̧m̧an n̄an kwaļo̧k kōļmenļo̧kjeņ ko aō kōn gospel eo an Jisōs Kraist im ekkatak jān ro jet barāinwōt.