“Ekōjkan Am̧ Ron̄jake E?,” N̄an Kōkajoorļo̧k Jodikdik ro, M̧aaj. 2022.
Āliktata Naan eo
Ekōjkan Am̧ Ron̄jake E?
Kōmeļeļe ko jān Oksana Grivina
Ippānļo̧k tōl in aenōm̧m̧an eo jej bōke jān Jetōb Kwojarjar, jān iien n̄an iien, Anij ekajoor im Ej lukkuun kallim̧uri kōj wōj aolep bwe E ejeļā kajjied im iakwe kōj. Innām, ilo iien apan̄ ko ad, Rilo̧mo̧o̧r ej bar kōro̧o̧ltok en̄jake kein n̄an ļōmņak ko ad.
Ļōmņak kōn mour eo am̧ make. En̄jake kein remaron̄ itok ilo iien ko raorōk ilo mour ko ad ak emaron̄ mokta waļo̧k āinwōt jet iien ko rejjab lukkuun aorōk ak eļļap. Iien kein ko raorōk ilo jetōb ej itok ilo iien ko rokkotaktak im ilo wāween ko rokkotaktak, juon ilo̧k juon n̄an kajjojo iaad.
Josep Smith eaar kōmeļeļeki bwe jet iien “em̧ōkaj an itok ļōmņak ko” im ekkā an “itok ilo jeļāļo̧kjen eo ekwojarjar.”1
Būreejtōn Dallin H. Oaks, n̄an uwaake em̧m̧aan in em̧ool eo ekar ba ke ejjan̄in kar bōk kain en̄jake rot in, kar kapilōk, “Bōlen jar ko am̧ em̧ōj aer uwaak im bar uwaak, ak kwoj kōtmene in loe ilo juon kōkkaļļe eo eļap ak ainikien eļaaj bwe kwoj ļōmņak kwojjan̄in bōk uwaak.”2
Jekar ron̄ an Būreejtōn Russell M. Nelson ba: “Ij karuwaineneik kom̧ n̄an lukkuun ļōmņak im kōn kajjitōk in: Elmen am̧ ron̄jake E? Ij bar karuwaineneik kom̧ n̄an bōk bun̄ten ko bwe en em̧m̧anļo̧k ami ron̄jake E.”3