“Ta eo ij aikuj kōm̧m̧ane n̄e ij en̄jake āinwōt kijejeto ko aō n̄an kwaļo̧k gospel eo rejjab kōm̧m̧ane juon oktak?,” N̄an Kōkajoorļo̧k Jodrikdrik ro, M̧aj. 2022.
Kajjitōk ko im Uwaak ko
“Ta eo ij aikuj kōm̧m̧ane n̄e ij en̄jake āinwōt kijejeto ko aō n̄an kwaļo̧k gospel eo rejjab kōm̧m̧ane juon oktak?”
Ļoor Waanjon̄ak eo an Kraist
“Juon iien rūkaki eo aō ekar ba ejjeļo̧k Anij. Ikar riiti Bok in Mormon aolep raan im ikar jeļā ta eo ekar ba ekar jab m̧ool. Ikar kajjieon̄ kwaļo̧k naan in kam̧ool eo aō, bōtaab ekar jab ron̄jake. Ikar ekkatak bwe jerbal ko aō reļaaj jān naan ko aō. Ro m̧ōtta raar lukkuun rejtake jon̄ak ko aō. Rej aolep iien kalimjōk eō kōnke ij juon membōr in Kabun̄ in.”
Valeria F., 18, Honduras
Kajjitōk kōn Jipan̄
“Ewōr buki wāween ko n̄an kwaļo̧k gospel eo. Jet iien kijejeto ko am̧ rem̧m̧an tata reban kōm̧m̧an bwe ro m̧ōttam̧ ren kam̧m̧oolol eok. Kwojjab make iaam̧. Kajjitōk kōn jipan̄ eo an Jemam̧ Ilan̄ im Rilo̧mo̧o̧r eo. Kwomaron̄ lo juon men ekāāl.”
Banri O., 15, Japan
Kwon juon Waanjon̄ak Em̧m̧an
“Ij aolep iien keememej kapilōk eo an ritōl ro aō: ‘Erom juon waanjon̄ak ej juon iaan wāween ko rem̧m̧an tata n̄an kwaļo̧k gospel eo.’ Eļan̄n̄e jej kajjieon̄ n̄an kōm̧m̧ane juon waanjon̄ak em̧m̧an im erom̧ juon meram n̄an ro jet, enaaj pidodoļo̧k n̄an kōj n̄an kwaļo̧k gospel eo ippān elōn̄ļo̧k armej ro. Āinwōt juon eo ej jutak ilo etan Jisōs Kraist emaron̄ in bōktok eļap kōjeraam̧m̧an ko n̄an mour ko ad im n̄an ro ipeļakid.”
Bonnie Q., 16, Bolivia
Ej Aer Kāālet
“Kar jum̧ae eō elōn̄ kōttan ke ikar kwaļo̧k gospel eo. Ilo m̧ool, jet iien ij en̄jake būrom̧ōj kōnke ikar jab lo jabdewōt tōprak. Ikar ekkatak bwe ejjab aō bōd n̄e armej ro rejjab bōk gospel eo. Ej aer kāālet, im ij aikuj in kijenmej. Iien ko tokālik kijejeto ko aō remaron̄ kōm̧m̧ane juon oktak. Imaron̄ aolep iien jar kōn armej ro ij karuwaineneik er.”
Cristina B., 18, Romania
Katakin im M̧akūtkūt Āinwōt Kraist
“Jej aikuj ļōmņak kōn wāween ko rekāāl, rekam̧ōņōņō kōn kwaļo̧k gospel eo. N̄an waanjon̄ak, jemaron̄ ekkatak jān wāween an Jisōs Kraist kar kwaļo̧k kōn būrabōļ ko im m̧akūtkūt ko. M̧akūtkūt ko ad rej kwaļo̧k wōn kōj im jon̄ak ko ad.”
Johann S., 16, Bolivia
Kwōn Kijenmej
“Kar jum̧ae eō elōn̄ kōttan ke ikar kwaļo̧k gospel eo. Ilo m̧ool, jet iien ij en̄jake būrom̧ōj kōnke ikar jab lo jabdewōt tōprak. Ikar ekkatak bwe ejjab aō bōd n̄e armej ro rejjab bōk gospel eo. Ej aer kāālet, im ij aikuj in kijenmej. Iien ko tokālik kijejeto ko aō remaron̄ kōm̧m̧ane juon oktak. Imaron̄ aolep iien jar kōn armej ro ij karuwaineneik er.”
Cristina B., 18, Romania
Kajjieon̄ Wōt
“Elōn̄ alen n̄e ij karuwaineneik ro m̧ōtta n̄an itok n̄an jar ilo Jabōt ko, rejjab bōk kūr eo. Epen n̄e rej jum̧ae, bōtaab ilo aō riiti jeje ko rekwojarjar, ijeļā bwe aolep men ko jej kōm̧m̧ani n̄an ro jet, jej kōm̧m̧ane n̄an Jisōs Kraist. Ij tōmak bwe bōk kijenmej ej ki eo. Jej jāmin naaj jeļā n̄aat eo naan ko jej kwaļo̧ki remaron̄ kōjeraam̧m̧an armej ro.”
Valeria V., 14, Bolivia
Jar kōn Er.
“Juon wāween epidodo n̄an kwaļo̧k gospel eo ej kwaļo̧k am̧ iakwe n̄an ro m̧ōttam̧. Kwomaron̄ jar kōn peran eo n̄an kwaļo̧k gospel eo. Kwomaron̄ barāinwōt jar kōn er n̄an bōk juon meļeļe em̧m̧anļo̧k kōn ennaan eo an gospel eo.”
Yuria K., 18, Japan