“Ainikien Linahei,” N̄an Kōkajoorļo̧k Jodikdik ro, M̧aj. 2022.
Ainikien Linahei
Jān ainikien kōjan̄jan̄ n̄an menmenbwij an baam̧le, Linahei ej kōjerbal ainikien ilo jim̧we.
Pija ko jān Stephane Sayeb; kōmeļeļe ko jen Claire Lock
Linahei D. jān Taiti ejelā wāween kōjerbal ainikien n̄an kōjeram̧m̧an ro jet—ilo elōn̄ļo̧k jān juon wāween. N̄an waanjon̄ak, ej ekatak n̄an erom̧̧ juon rikōnono ibben ro ewōr aer inebata ilo mour ko aer ilo juon tōre. “Ikōnaan jipan̄ ajiri ro kin jipeļiin̄ ko aer ak ilo wāween aer ekōnono,” kōra eo ear ba.
Ej kab jinoin in, kiiō. Lotak tok ilo juon baam̧le eo eļap taļōn ko aer ilo al, 14-iiō dettan Linahei ke ej bōk elōn̄ iien ko rem̧m̧an n̄an kōjerbal ainikien n̄an al. Brother eo aō im n̄a em̧m̧an ippāmro al ippān doon. Ej kijon̄ bōk ainikien en eutiej im ij kōm̧m̧ane ainikien en ettā!”
Im ewōr juon baam̧le in ainkien ko, bōrainwōt. “Jinō ej kōjan̄jan̄ kin piano n̄an jipan̄ katakin kin al im jema ej kōjan̄jan̄ kin kūta im uklele.” Im ta juon baam̧le in ainikien ko eļan̄n̄e ejjeļo̧k kakinono ritūram̧? “Jema im n̄a elap am̧ro iakwe kōjan̄jan̄ kin to‘ere, eo ej juon an riPolynesia m̧anit kein dūram .”
Kin wōt jarlepju eo rej kakinonoiki an jiron̄ eo al, baam̧le eo an jiron̄ eo ear jipan̄ jiron̄ eo kin elapļo̧k jān ainikien kōjan̄jan̄ wōt. “Jinō im jema aolep iien rej kakmejmej eō ilo ekatak ko aō, im jema ej letok kōjeram̧m̧an in priesthood n̄an n̄a.” N̄e ej itok iien ko reppen, jiron̄ eo ejelā ke en oktakļo̧k n̄an Jemedwōj Ilan. “Ijeļā jon̄an an Anij iakwe n̄a im E ej bed iien otemjej n̄an ajiri ro Nejin.”
Linahei ejab kōjerbal wōt ainikien n̄an̄ al n̄an̄ kōjan̄jan̄ im jar, ak ej bōrainwōt kenono kōn wāween jipan̄ ro uwaan baam̧le ilo itu rājet in rōn̄ōl eo.
Ainikien Iakwe n̄an Baam̧le itu ilikin Rōn̄ōl eo
“Ekar wōr juon aō ettōņak juon bon̄ ijo ij loe buki buki armej, bōtaab ejjeļo̧k juon iaer emaron̄ kenono ippen doon ,” kōrā eo ear ba. “Ij lōm̧ņak iaar kile er, bōtaab iaar jab lukkun jelā.”
Linahei ear jab jelā ta n̄an kōm̧m̧ane jen ettōņak eo an ilo jinoun. Innem kōrā eo eaar lukkun m̧ōņōņō kōļmeļo̧kjen eo an: “Mokta jen COVID-19 lockdown eo, iaar jerbal in peptaij elapļo̧k jen 100 ripeptaij ro n̄an ro jibū im jim̧m̧ao etto em̧ōj aer jako—armej rein ilo ettōņak eo aō remaron̄ kar bōk jikin ro uwaan baam̧le eo aō!”
Eļapļo̧k ikideelel in m̧ōņōņō kin menmenbwij an baam̧le jān m̧okta, Linahei ear kōm̧m̧ane aolep men emaron̄ n̄an jipan̄ kōm̧m̧akitkit et kein ilo tampeļ n̄an bōk kain̄i ko aer jet. Ejjap to ālkin, Linahei im jinen raar kūr erro n̄an rijipan̄ ro an menmenbwij an baam̧le ilo ward eo aer.
Kōm ekar jipan̄ juon kōrā ilo ward eo am deļo̧n̄e akkaun in FamilySearch eo an. Ilo tōre eo ej loe menmenbwij eo an, ekar lukkun in m̧ōņōņō—ej kap juon kattōn an kap loe aolep ro jibun im jim̧aan!”
“Iaar kijon̄ mijak ilo aō kepaak armej ilo ward eo aō,” Linahei ej kwaļok. “Ak kiiō ke epād jinō ippa, Ij en̄jaake eļapļo̧k kōjatdikdik ilo katakin armej kin menmenbwij an baam̧le.”
Kōļapļo̧k ainikiōm̧
Kiiō Linahei ej erreim̧aanļo̧k wōt n̄an jipan̄ katak kōn ro jibwier im jim̧m̧aer etto. “Ij m̧ōņōņō in loe an armej ro m̧ōņōņō n̄e rej kōm̧m̧ane menmenbwij in baam̧le ko aer. Im ij tōm̧ak rūtto ro ad rej m̧ōņōņō bwe jej ikideleel kake er im ilo kōm̧m̧ani kain̄i ko aer.”
Ilo kūr eo an āinwōt juon rikōkapilōklōk an baam̧le menmenbwij, ej kab kar m̧ōj an kōm̧m̧ane juon iien ibben doon n̄an jiron̄ ro ilo ward eo an. Ekar jab jipan̄ wōt er pukot etan baam̧le ko an n̄an bōk n̄an tampeļ, ak ear bōrainwōt jipan̄ ajiri in Būraimere kōpooj akkaun ko aer bwe ren maron̄ in bōk koņaer.
“Kōmim ej tin nej etal n̄an tampeļ en epaaketata,” kōrā eo ej ba.
Kōkņaan ke bwe kwon lukkun em̧m̧an āinwōt Linahei? Jab inebata, ej juon men emaron̄ tōprak. “Armej ro reddik remaron̄ kōdepakpakļo̧k jerbal ko an Anij ilo aer kōjerbal technology,” Linahei ear ba. “Aolep men ko rejipan̄ kōj lōmņak kōn ro jibūd im jim̧aad etto rej men ko rem̧m̧an. Ijelā ke kōm̧m̧an menmenbwij an baam̧le enaaj bōktok elapļo̧k lan̄lōn̄ n̄an aolep ilo mour ko aer. Menmenbwij an baam̧le eaar bōktok eō bwe in epaakeļo̧k ro jibū im jim̧m̧ao etto im n̄an Kraist ilo juon wōt iien.”
Ilo aolep jerbal ko kōrā eo ej kōm̧m̧ani n̄an ro jibūn im jim̧m̧aan etto, juon men n̄an errā kake: baam̧le eo an Linahei rejjab wōt juon bwebwenato eo n̄an kemeemej!