“Fesootai,” Mo le Malosi o le Autalavou, Mati 2022.
Fesootai
Atamu L.
15, Jamaica
Ata na pueina e Christina Smith
E faaali mai e ou matua ia te au le ala e avea ai faapei o Keriso. O ni tagata e fesoasoani atu i taimi uma! Ma a la auauna atu i isi, la te le faitio. La te tausia le aso Sapati ia paia. La te faia foi a la tatalo i taeao ma po uma.
Ou te aoao mai isi mea mai o’u matua. O lo‘u tama o se tusiata maoae. E faapitoa lava lona lelei i le valiina i se penitala. Sa ou faatuina se sini e faaleleia atili la‘u tusiata, o lea ou te vaavaai toto’a ai ia te ia.
O le isi sini o loo ia te au o le maua lea o togi lelei i le aoga. O nisi taimi ou te popole ai i taimi o suega. I se tasi taimi sa matuai leaga lava, o lea sa ou tatalo ai. Mulimuli ane, sa ou lagonaina le māmā ma le fiafia i totonu. Sa mafai ona ou faia le suega e aunoa ma ni faafitauli. Ou te iloa na fesoasoani le Agaga Paia ia te au e taofi le lagonaina o le fefe.
I se tasi taimi sa ou i ai i se galuega fesoasoani e fesoasoani e vali puipui o se aoga lata ane. I le taimi muamua sa ou le fia i ai iina, ae sa amata ona ou maua se lagona lelei e uiga i ai. I le taimi nei, soo se taimi lava ou te pasia ai lena aoga, ou te lagona ai le faapitoa. Ou te iloa sa ou fesoasoani i tamaiti iina.