Tuusao i le Mataupu

Aisea na suia ai e le Atua le igoa o Iakopo ia Isaraelu?

tamaitai talavou

Atavali na saunia e Keith Larson

O Iakopo o le atalii o Isaako ma o le atalii o le atalii o Aperaamo. E pei o i latou, sa i ai ia Iakopo ni manaoga amiotonu ma saili atu i faamanuiaga a le Alii.

I se taimi taua tele i lona olaga, “sa tauivi ai Iakopo ma se luitau ogaoga. Sa tofotofoina lana faitalia. I lenei tauiviga, na faamaonia ai e Iakopo le mea na sili ona taua ia te ia. Na ia faaali atu sa loto o ia e faamuamua le Atua i lona olaga. I se tali mai, sa suia ai e le Atua le igoa o Iakopo ia Isaraelu, o lona uiga “ia faamuamua le Atua.” Ona folafola atu lea e le Atua ia Isaraelu o faamanuiaga uma na folafola atu i luga o le ao o Aperaamo o le a avea foi ma ana” (Russell M. Nelson, “Ia Faamuamua le Atua,” Oke. 2020 konafesi aoao [Ensign po o le Liahona, Nov. 2020, 92]). O le aveina o lenei igoa fou o se faailoga o le mauaina o le feagaiga na maua e lona tama ma lona tamamatua.

Pe a tatou papatiso, tatou te osia ni feagaiga. Tatou te faaalia foi ua tatou loto e ave i o tatou luga se igoa fou—o le suafa o Iesu Keriso. E le gata i lea, ua avea i tatou ma se vaega o le aiga o Isaraelu—o i latou ua osifeagaiga ma le Atua ma ua folafola mai “Ia faamuamua le Atua” i o latou olaga. Ona folafola mai lea e le Atua ia i tatou faamanuiaga lava e tasi na Ia folafola atu ia Aperaamo, Isaako, ma Iakopo.