“I Cagayan, Filipaina,” Mo Le Malosi o le Autalavou, Mati 2022.
O Le Auala Matou te Tapuai Ai
I Cagayan, Filipaina
Atapue mai le Getty Images
Magandang araw! Kamusta?
(O lona uiga “Aso manuia! O a mai oe?” i le Takaloka.)
O lo‘u igoa o Agravaine L.
Ou te sau mai se nuu laitiiti i Cagayan i Filipaina. Ou te nofo faatasi ma le tina o lo‘u tinamatua ma tama o lo’u tinamatua, o lo’u tinamatua, o lo‘u tina, ma o’u uso e toalua. Ioe, e matua toatele lava lo matou aiga! E fai lava si taatele o lena mea iinei i Filipaina. E lauiloa tagata Filipino i le i ai o ni sootaga malolosi faaleaiga. O le vaega lena e sili ona ou fiafia i ai e uiga i le nofo ai iinei. O le tau vevela ua na o se ponesi!
O mea ou te fiafia lava i ai o le faitauina lea o mekasini ma faalogologo i faasalalauga ma musika faagaeetia. Ou te fiafia foi e tusi ni tusi e faatuatusi i lo‘u tagata, tane, ma le fanau i le lumanai!
Suesue ma le Faasoa Atu
O le vaega e sili ona ou fiafia i ai e uiga i le avea ma se tagata O Le Ekalesia a Iesu Keriso o le Au Paia o Aso e Gata Ai o le malamalama lea o loo ou i ai i le Ekalesia moni a Keriso. Ou te fiafia e asiasi i le malumalu, faasoa atu le talalelei, ma o faatasi ma au uo i le seminare. E tele mea ua ou aoaoina mai nei aafiaga uma.
Ou te tauivi i nisi taimi ma le tumau e oo i le iuga. Ae ou te faia le mea sili ou te mafaia e suesue a‘u tusitusiga paia i po uma. O leSau, Mulimuli Mai ia te A‘u e fesoasoani tele i la’u suesuega faaletagata lava ia! Ou te fiafia foi e faitau i tala mai isi talavou i mekasini a le Ekalesia. Ou te faaaogaina le polokalama o le Gospel Library ina ia mafai ona ou maua ni savali faagaeetia i la‘u taga, e tusa lava po o fea ou te i ai.
O le toatele o a‘u uo i le aoga o tagata o le Ekalesia. Sa masani ona ou mafaufau o lona uiga e leai ni avanoa e faasoa atu ai le talalelei. Ae ua ou aoaoina o le faasoaina atu o le talalelei e le faapea e tatau ona i ai faatasi ma tagata mai faatuatuaga eseese. Ou te fiafia e faasoa atu la‘u molimau i la’u uo mamae i le aoga, ma o ia foi o se tagata o le ekalesia!
O Le Sapati
O lo matou fale e mamao lava mai le falelotu o le Ekalesia, o lea e tatau ai ona matou fuafua mamao ma lo‘u uso ia oo atu i a matou sauniga i le taimi sa’o (po o le vave, e pei ona faamoemoeina)!
Matou te feala i luga i le 4:00 i le taeao ma savavali atu i le fale o le uso o lo‘u tina, lea e tau atu ai i le agai atu i le fale o le Ekalesia. Ma te sui mai i o ma ofu e savavali ai i o matou ofu soloatoa. Ona ma toe savavali lea mo le isi 30 minute ina ia oo atu i le fale o le Ekalesia (po o nisi taimi e 25 minute pe afai e vave le ma savavali). Ona matou te sauni mamao mo Aso Sa, o lea matou te le tuai ai lava! Ia, e toetoe lava a leai. E matuai palapala lava le auala pe a timu. I se tasi taimi sa matuai timuga lava ma sa ou mau ai i le palapala ma le mafai ai ona minoi!
Ae e tauaogaina uma lava i le taimi lava matou te taunuu ai i le lotu. Ou te lagonaina le filemu ma le olioli i le talanoa e uiga i le talalelei ma faasalalauina atu tala fiafia o lo tatou Faaola. Ou te fiafia e faasoa atu la‘u molimau i sauniga anapogi ma molimau uma! O a‘u vasega o le Aoga Sa o se nofoaga sili foi e faasoa atu ai o’u manatu e uiga i le talalelei a Iesu Keriso ma aoao ai foi mai isi.